Jɛnesis 48:15 - EBƆRƐ BE KAWƆL

¹⁵ E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 48:15 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 24:20

Kumo be kaman nɛ e chulgi mbe lɔŋkɔŋ na to be nchu epul to n wɔtɔ asɔbɔya be kusɔ nuunchu ko nɛ k daa wɔ ndoŋ na to nseŋ bɛta n shile n yɔ ketirbu na akpa n ya jɔ nchu m ba sa enyɔma na. Loŋ nɛ e wora nɛ enyɔma na kikɛ ba nuu m moɛ.

Jɛnesis 24:40

Nɛ e kaŋɛ ma fanɛ Enyɛnpe nɛ e bee bɛ mo so na beeŋ shin nɛ mbe malaika e juŋkpar ma n yɔ n ya shin nɛ n nya kumulela n nya eche ashi mbe kanaŋ to nɛ mo tuto pe m ba sa mo pibi na.

Jɛnesis 27:27

Ndoŋ nna nɛ Jeekɔb yɔ nɛ mo tuto e lala mo so. Aizek ka nu mbe asɔbuuso na be efɛa nɛ e nɛfa mo nseŋ kaŋɛ le: “Cha, ma kebia ere be efɛa baa du fanɛ kasawule mo nɛ Enyɛnpe nɛfa nna.

Jɛnesis 27:4

Fo kaŋ bar loŋ be eblaŋ na fo ta kumo n daŋɛ ajibi belbelso mo nɛ mee sha ga na m ba sa ma nɛ n ji n nɛfa fo pɔɛŋ nseŋ wu.”

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Kronikɛls 5:1

Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

Nshɛ 16:8

Enyɛnpe Ebɔrɛ na be asheŋ deŋ ma kagbene so nna saŋkama. Ŋkpal e ka taga ma to so, shɛŋ shɛŋ maa keta ma kufu.

Nshɛ 23:1

Enyɛnpe Ebɔrɛ na e naa keni ma so, fanɛ kananɛ mbolpɔkpapo bee keni mbe mbɔlpo so na. Amoso mee nya kusɔ kama nɛ k tir ma nna.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Kaŋinichiŋgeliŋ 5:12

Etirpo bre ji nɛ e maŋ ji gba, e bee dese kanyɛso a di nɛnɛ nna. Ama amansherbi wura bre, maa di a mata, ŋkpal mbe kedamaya so.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Kaŋinichiŋgeliŋ 6:7

Kegben nɛ anyee gben ere kikɛ, kusɔ nɛ anyeeŋ ji so nɛ anyee wora. Amo nɛ amo kikɛ anyi alɛ kra maa ji a moɛ.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

Kɔlɔsiebi 2:6

Amoso, men ka sɔ Yesu Kristo fanɛ men Nyɛnpe ere, men keta men be amu fanɛ basa nɛ bumo nɛ mo ki kukoŋwule a kɔ mo to kpakpa

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

Hibruwebi 11:21

Yirda so nɛ Jeekɔb daa shin nɛ e wu nseŋ daŋ nɛfa n nɛfa Josɛf be mbia na. E daa yirgi mbe kekpabi so nna nseŋ daa bunyaŋ Ebɔrɛ.