Jɛnesis 48:1 - EBƆRƐ BE KAWƆL

¹ Kachako nɛ b kaŋɛ Josɛf fanɛ mo tuto bee lɔ. Ndoŋ nna nɛ e koso ŋ keta mbe bibinyɛn anyɔ na, Manase nɛ Efreim n ti mbe kumu so n yɔ nɛ e ya keni mo.

Jɛnesis 48:1 ပူးပေါင်းရင်းမြစ်များ

Jɛnesis 46:20

Bibinyɛn anyɔ nɛ baa tre Manase nɛ Efrayim na nɛ Or be kegbirwura Potifera pibiche Asenat daŋ kurge n sa Josɛf ashi Ijipt.

Jɛnesis 48:2

Josɛf ka ya fo ndoŋ nɛ b kaŋɛ Jeekɔb le: “Fo kutɔ nɛ fo pibinyɛn Josɛf ba na.” Nɛ e wora ania n niŋi to n chena mbe edesekpa, nseŋ kaŋɛ Josɛf le:

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Jɛnesis 50:23

E daŋ wu Efreim be mbia nɛ bumo alɛ be mbia nna pɔɛŋ nseŋ wu. E daŋ wu Manase pibinyɛn Makiir gba be mbia. B ka baŋ kurge bumo na nɛ e ta bumo n ti mbe kanaŋ so.

2 Bewura 13:14

Jemanɛ ko ka ba fo nɛ kulɔ lubi ko pɛ Elaisha nɛ e bee sha kewu, ndoŋ nna nɛ Israɛl be ewura Jehɔash yɔ nɛ e ya bɔ mo so. Jehɔash ka yili mo kutɔ, nɛ e shu ŋ kaŋɛ le: “N tuto! Fo e la Israɛl be ekumpo lempo! Manɛ nɛ anyeeŋ tiŋ n wora nɛ fo maŋ wɔtɔ?”

2 Bewura 13:20

Asheŋ ere be kaman nɛ anebi Elaisha wu nɛ b puli mo. Kafɛ kikɛ malɛ be dɔchubɔrɛ so, Mowabebi be bejuŋkparpo bee shuŋi bumo be basa nɛ baa ta kena a purgi na nna nɛ b ba Israɛl be efuli so.

Job be kawɔl 42:16

Ade kikɛ be kaman, Job daŋ ji nfɛ kalfa nɛ adena nna pɔɛŋ nseŋ wu. E daŋ nya benanabiana nna hale n ya fo bumo nɛ b bɛ so benasopo gba.

Nshɛ 128:6

Ebɔrɛ e sa fo ŋkpa tenteŋ nɛ fo chɛr nseŋ wu fo nanabiana kenishiso. Kayurwushi e baa wɔ Israɛl be basa so!

Baru lela nɛ Jɔn kute na 11:3

Lazɔrɔs ka bee lɔ na nɛ mo sipocheana na shuŋi fanɛ b ya kaŋɛ Yesu. B yɛ: “Enyɛnpe, fo teri kpakpaso na bee lɔ.”

Hibruwebi 11:21

Yirda so nɛ Jeekɔb daa shin nɛ e wu nseŋ daŋ nɛfa n nɛfa Josɛf be mbia na. E daa yirgi mbe kekpabi so nna nseŋ daa bunyaŋ Ebɔrɛ.