Jɛnesis 47:6 - EBƆRƐ BE KAWƆL

⁶ Ijipt malɛ be kasawule kikɛ e dese fo na, shin nɛ fo tuto nɛ fo daana na e ya chena kaplɛkama nɛ k walɛ. Shin nɛ b ya kaa wɔ Goshen be kaba so. Bumo to be ekama malɛ nɛ e nyi asɔbɔya to nɛnɛ, fo ta ma asɔbɔya m bɔɔ mo enɔ.”

Jɛnesis 47:6 ပူးပေါင်းရင်းမြစ်များ

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 13:9

Mannɛ kasawule e dese ere a? Amoso shin nɛ an barga to n chena. Nɛ fo yɔ benaso, ma alɛ beeŋ yɔ jisoso nɛ fo alɛ naŋ yɔ jiso so, ma alɛ beeŋ yɔ benaso.”

Jɛnesis 20:15

Ade kikɛ be kaman nɛ e naŋ kaŋɛ Eebraham: “Ma kasawule e la kasawule ere kikɛ. Ya chena kumo be kaplɛkama nɛ fee sha.”

Jɛnesis 34:10

Menyeeŋ tiŋ n chena anyi be efuli ere be kaplɛkama nɛ menyee sha. Men baa wɔ kumo so a ji yawu nsaa fin kanya a sa menyi be amu.”

Jɛnesis 45:10

Fo ba feeŋ ya kaa wɔ Goshen be kaba so. Fo nɛ fo mbia nɛ fo nanabiana nɛ fo asɔbɔya nɛ kusɔ kama nyam nɛ fo kɔ beeŋ ba kaa wɔ nfe m mata ma.

Jɛnesis 46:34

men kaŋɛ mo le: ‘Anyi be kebia to kikɛ anyi, fo anya, la asɔbɔyakpapoana nna fanɛ an nananyɛnana m ba fo mbre.’ Nɛ men kaŋɛ mo loŋ e beeŋ sa menyi ekpa nɛ men ya kaa wɔ Goshen be kasawule so, ŋkpal manɛ so, Ijiptebi nɛ mbolpɔkenipoana maŋ kɔ shɛŋ.”

Jɛnesis 47:11

Ndoŋ nna nɛ Josɛf shin nɛ mo tuto nɛ mo daana chena Ijipt nɛ e sa bumo kasawule na so be kaboŋ lela a mata kadegboŋ nɛ baa tre Ramases ashi Goshen be kaba so fanɛ kananɛ ewura Fɛɛro daŋ kaŋɛ na.

Jɛnesis 47:16

Nɛ Josɛf kaŋɛ bumo: “To, kumo ere men ta men be asɔbɔya m ba kaa chɛr ajibi ŋkpal men be amansherbi kikɛ ka loge so.”

Jɛnesis 47:4

An ba nfe nna nɛ an ba kaa wɔ nfe n ya fo saŋko. Ŋkpal akoŋ ka wɔ Keenan ga so fo anya be asɔbɔya maŋ naa nya afitiri ndoŋ a ji. Amoso, jande, shin nɛ anyi, fo anya e baa wɔ Goshen kaba so.”

Jɛnesis 47:5

Ndoŋ nna nɛ Fɛɛro kaŋɛ Josɛf: “Fo tuto nɛ fo daana ba fo kutɔ nna,

1 Bewura 11:28

Jeroboam malɛ daa la esa nɛ e bee pere kenishi nna a shuŋ ga. Ewura Sɔlɔmɔn ka wu kumo be loŋ na, nɛ e lara mo fanɛ e baa la beshumpo nɛ b shi Manase nɛ Efrayim be eyiri to na be ejuŋkparpo.

2 Kronikɛls 26:10

Mo alɛ daŋ m pɔr atempreŋ jeŋgreŋ nna ashi efuli na be kiyi to nseŋ kur edampu damta ŋkpal e ka kɔ asɔbɔya damta nɛ b wɔ epeŋitɔrkpa be kaba so be abee be efuli nɛ keplasawule so na so. Ŋkpal e ka bee sha kudɔ ga so, e daŋ leŋ basa na to nna fanɛ b baa dɔ ndibi nɛ baa tre greep na be adɔ ashi abee be efuli na so nsaa dɔ adɔjibi ndoŋ be kasawule lela na so.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Ɛksodɔs 9:10

Ndoŋ nna nɛ b jɔ nsunɔ na n ya yili ewura Fɛɛro be anishito nɛ Mosis ta amo ŋ kpa awɔlto nɛ a kilgi alɔbi m pɛ edimɛdi nɛ asɔbɔya kikɛ nyam.

Ɛksodɔs 9:21

Ama bekama nɛ b daŋ kplaŋ Enyɛnpe Ebɔrɛ be kamalga na so na bre daŋ shin nna nɛ bumo be anya nɛ asɔbɔya na a kilgi to.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aŋasa 22:29

Nɛ fo baa shuŋ fo kushuŋ nɛnɛ, bewura nɛ feeŋ baa shuŋ a sa mannɛ bebɔlpo.

Jɛremaya 40:4

To, kabre mee lara ŋgbɛlɛbi ere fo enɔana to nna nɛ fo nya fo kumu. Nɛ fee sha ketu ma n yɔ Babilɔn be efuli so, feeŋ tiŋ n yɔ nɛ m baa keni fo so. Nɛ fo maa sha keyɔ malɛ, feeŋ tiŋ ŋ kini keyɔ. Efuli ere kikɛ dese nna n sa fo nɛ fo lara kusɔ nɛ fee sha. Feeŋ tiŋ n yɔ kaplɛkama nɛ fee sha.”

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

1 Samuɛl 21:7

Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.