Jɛnesis 47:4 - EBƆRƐ BE KAWƆL

⁴ An ba nfe nna nɛ an ba kaa wɔ nfe n ya fo saŋko. Ŋkpal akoŋ ka wɔ Keenan ga so fo anya be asɔbɔya maŋ naa nya afitiri ndoŋ a ji. Amoso, jande, shin nɛ anyi, fo anya e baa wɔ Goshen kaba so.”

Jɛnesis 47:4 ပူးပေါင်းရင်းမြစ်များ

Jɛnesis 12:10

Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 43:1

Le be jemanɛ ere kikɛ nɛ akoŋ na kraa ti so nna ashi Keenan be kasawule na kikɛ so.

Jɛnesis 45:10

Fo ba feeŋ ya kaa wɔ Goshen be kaba so. Fo nɛ fo mbia nɛ fo nanabiana nɛ fo asɔbɔya nɛ kusɔ kama nyam nɛ fo kɔ beeŋ ba kaa wɔ nfe m mata ma.

Jɛnesis 46:34

men kaŋɛ mo le: ‘Anyi be kebia to kikɛ anyi, fo anya, la asɔbɔyakpapoana nna fanɛ an nananyɛnana m ba fo mbre.’ Nɛ men kaŋɛ mo loŋ e beeŋ sa menyi ekpa nɛ men ya kaa wɔ Goshen be kasawule so, ŋkpal manɛ so, Ijiptebi nɛ mbolpɔkenipoana maŋ kɔ shɛŋ.”

Jɛnesis 47:5

Ndoŋ nna nɛ Fɛɛro kaŋɛ Josɛf: “Fo tuto nɛ fo daana ba fo kutɔ nna,

Nshɛ 105:23

Kumo be kaman nɛ Jeekɔb nɛ mbe kanaŋ ya ki befɔ n chena Ijipt be efuli so.

Aizaaya 52:4

Dra dra na menyi gbagba be keparso nɛ men daŋ yɔ Ijipt be efuli so n ya ka wɔ ndoŋ fanɛ befɔ. Kumo be kaman nɛ Asiriya be efuli so ebi ba kɔ nseŋ pɛ menyi eleŋso n yɔ bumo be efuli so nɛ b maŋ ka shɛŋ.

Ashuŋ Shunso 7:11

Ndoŋ nna nɛ akoŋgboŋ ko tɔr Ijipt nɛ Keenan be efuliana kikɛ so m bar awurfoŋ damta ga nɛ an nanaana fin ajibi kanaŋkama ŋ gben.

Ashuŋ Shunso 7:6

Le nɛ Ebɔrɛ daŋ kaŋɛ mo: ‘Fo kaman to ebi beeŋ ba kaa wɔ efuli pɔtɛ ko so, kakpa nɛ baaŋ baa la anya nɛ b tɔrɔ bumo ga nfɛ alfa ana.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.