Jɛnesis 47:29 - EBƆRƐ BE KAWƆL

²⁹ Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

Jɛnesis 47:29 ပူးပေါင်းရင်းမြစ်များ

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 24:49

Amoso naniere, men jande, men kaŋɛ ma, Menyeeŋ wora n nyɛnpe na kelela ŋko men maaŋ wora loŋ? Nɛ menyeeŋ wora loŋ, men kaŋɛ ma, nɛ men maaŋ wora loŋ malɛ, men kaŋɛ ma, saŋɛ na so meeŋ pin kakpa nɛ meeŋ naŋ sɔ to.”

Jɛnesis 27:2

Nɛ Aizek kaŋɛ mo: “To, naniere ŋ ki enyɛn nimu nna na a maŋ nyi kachɛ nɛ meeŋ wu.

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Jɛnesis 48:21

Kumo be kaman nɛ Jeekɔb kaŋɛ Josɛf: “M maaŋ naŋ chɛr nseŋ wu, ama Ebɔrɛ beeŋ baa wɔ menyi kutɔ n naŋ yɛr menyi men nananyɛnana be kasawule so.

Jɛnesis 50:12

Ade kikɛ e daa ŋini fanɛ Jeekɔb be mbia na daŋ wora asɔ nɛ bumo tuto daŋ ŋini bumo na kikɛ nyam.

Jɛnesis 50:5

Men kaŋɛ mo fanɛ n tuto ka daa shin nɛ e wu, e daŋ shin nna nɛ n nase kɔnɔ n sa mo fanɛ nɛ e kaŋ wu, meeŋ ya puli mo nchaŋ nɛ e wora n nase Keenan na to. Amoso e jande, e sa ma ekpa nɛ n yɔ ndoŋ n ya puli mo nseŋ naa ba.”

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

2 Samuɛl 2:32

Jɔab nɛ mbe basa daŋ ta Asahɛl be kebuni nna n ya puli bumo kanaŋ to be kejembu laŋ be nchaŋ to ashi Bɛtlɛhɛm. Kumo be kaman nɛ b nite kumo be kanyɛso na kikɛ n ya fo Hibrɔn kachipurdidi.

2 Samuɛl 7:12

E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

1 Bewura 2:1

Deevid ka bee shin nɛ e wu nɛ e tre mo pibinyɛn Sɔlɔmɔn m malga mbe lalaloge be kamalga n sa mo ŋ kaŋɛ le:

Job be kawɔl 14:14

Nɛ esa baŋ wu, e maaŋ naŋ tiŋ m ba ŋkpa to. Amoso awurfoŋ nɛ mee ji ere kikɛ mee jo ma saŋɛ nna.

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Job be kawɔl 7:1

Manɛ nna nɛ kebaawɔtɔ du kpakpa loŋ? Manɛ nna nɛ anyee ji awurfoŋ loŋ?

Nshɛ 49:7

Esa maaŋ tiŋ ŋ ka dimɛdi kukɔ n sɔ mo barkasa n yige, ŋko ŋ ka Ebɔrɛ kukɔ n wora loŋ.

Nshɛ 49:9

nseŋ nya a wɔ ŋkpa to mbaanaayɔ; ŋko nɛ e maaŋ wu kikɛ.

Nshɛ 6:5

M baŋ wu, m maaŋ naŋ tiŋ n fur fo, ŋko n nyiŋi fo asheŋ.

Nshɛ 89:48

Dimɛdi kikɛ maaŋ tiŋ n suge mbe kumu ashi luwu nɛ nchaŋ be eleŋana to.

Ditɛronɔmi 31:14

Ade kikɛ be kaman, nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu, amoso keta Joshuwa m ba wajɛbu cheembi na to; saŋɛ na so, meeŋ ŋini mo asheŋ ko nɛ e ki Israɛl be ejuŋkparpo. Ndoŋ nna nɛ Mosis nɛ Joshuwa kikɛ yɔ wajɛbu cheembi na to

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Hibruwebi 11:22

Yirda so nɛ Josɛf daa shin nɛ e wu nseŋ daŋ malga Israɛlebi be kelar Ijipt to be asheŋ nseŋ kaŋɛ kusɔ nɛ baaŋ ta mbe kebuni n wora na be asheŋ.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

Joshuwa 2:14

Nɛ basa na yɛ: “Nɛ an baŋ maŋ wora kusɔ nɛ anyee shin nɛ an kaŋɛ fo ere, Ebɔrɛ e mɔ anyi. An nase kɔnɔ fanɛ nɛ fo baŋ maŋ kaŋɛ basa kusɔ nɛ anyee wora ere bre, kumo ere nɛ Enyɛnpe Ebɔrɛ na baŋ ta kasawule ere n sa anyi bre, anyeeŋ wora menyi kelela.”

Joshuwa 23:14

Naniere bre ma luwu fo. Menyi alɛ be ekama nyi mbe kagbene to fanɛ asɔ lela kama nɛ Enyɛnpe Ebɔrɛ nase kɔnɔ fanɛ e beeŋ sa na, men nya amo. Kusɔ kama nɛ e nase kɔnɔ fanɛ e beeŋ wora na kikɛ bɔlɔ so nyam.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.