Jɛnesis 47:22 - EBƆRƐ BE KAWƆL

²² Efuli na so kikɛ bɔrɛmatapoana be kasawule nawule nɛ e daa maŋ tɔ, ŋkpal manɛ so, bumo ere daa la ewura Fɛɛro be beshumpo nna nɛ e bee sa bumo ajibi saŋkikɛ. Amoso nɛ bumo alɛ daa maŋ fa bumo be nsawule na.

Jɛnesis 47:22 ပူးပေါင်းရင်းမြစ်များ

Jɛnesis 14:18

Ndoŋ nna nɛ Mɛlkizedɛk nɛ e daa la Salɛm be ewura nseŋ naa la Ebɔrɛ Ewurgboŋ na be bɔrɛmatapo na, ta bodobodo nɛ nsa ko m bar Eebram

Jɛnesis 41:45

Ade kikɛ be kaman nɛ Fɛɛro sa Josɛf ketre Zafenat Panea nseŋ ta On be kegbirwura Potifera pibiche nɛ baa tre Asenat na n sa mo fanɛ e baa la mbe eche. Josɛf ka nya loŋ be eyilikpa na nɛ e fara a nite Ijipt be efuli na kikɛ so.

Jɛnesis 41:50

Pɔɛŋ nɛ akoŋ be jemanɛ be nfɛnshunu na fo na nɛ On be kegbirwura Potifera pibiche Asenat kurge bibinyɛn anyɔ n sa Josɛf.

Jɛnesis 47:21

nɛ Josɛf shin nɛ ekama nyam ashi Ijipt be kasawule so kikɛ ki Fɛɛro be anya.

Jɛnesis 47:23

Basa na kikɛ ka ki Fɛɛro peya na nɛ Josɛf kaŋɛ bumo: “To, naniere ŋ ka tɔ menyi nɛ men be nsawule n sa Fɛɛro ere, asɔ duuso nde nɛ men ta n duu men be nsawule na so.

Jɛnesis 47:26

Amoso Josɛf daŋ shin nna nɛ k ki Ijipt kikɛ be mbra fanɛ esa kama be adɔjibi be ntuŋ anu so be katuŋ koŋwule kama la ewura Fɛɛro peya nna. Hale nɛ mbre loŋ be mbra na malɛ kraa shuŋ. Bɔrɛmatapoana nawule be nsawule e daa maŋ ki ewura Fɛɛro peya.

2 Samuɛl 8:18

Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

Ɛzra 7:24

A maŋ daga fanɛ b tu bɔrɛmatapoana na nɛ Livaiebi na nɛ beshɛbompo na nɛ mbunagboŋ kenipoana na nɛ bekama nɛ baa shuŋ bɔrɛlambu na to na kikɛ n sɔ toto be yiri kikɛ.

Nehemaya 13:10

Ma alɛ naŋ nu fanɛ bɔrɛlambu na to be beshɛbompo nɛ Livaiebi na be galeŋga lar Jerusalɛm to nna m bɛta n yɔ bumo be adɔana to, ŋkpal manɛ so, basa na daa maŋ naa sa bumo ajibi nɛ a bee fo bumo.

Matiu 10:10

Men sa maŋ ta ekɔlgu n lar ekpa na to ŋko nle anyɔnyɔ ŋko asɛbta nyɔsopoana ŋko akpabiana n ti men be amu so n yɔ. A daga eshumpo ka nya mbe keji mbe kushuŋ to.

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?

Galeeshaebi 6:6

Ekama nɛ e bee nya abɔrɛsheŋ na be keŋini malɛ gba e baa kɔ mbe asɔ lela be ako a chɛ mbe eŋinipo na to.

Ditɛronɔmi 12:19

Menyi alɛ e baa da so nɛ menyi maaŋ kplaŋ Livaiebi na so kikɛ jemanɛ nɛ menyeeŋ baa wɔ menyi be kasawule na so na.

2 Tɛsalɔnikaebi 3:10

Anyi nɛ menyi ka daa wɔtɔ na gba, an chɛr ŋ kaŋɛ menyi fanɛ: “Ekama nɛ e maŋ shuŋ, men sa maŋ shin nɛ e ji.”

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.