Jɛnesis 47:17 - EBƆRƐ BE KAWƆL

¹⁷ Ndoŋ nna nɛ b fara a bar bumo be asɔbɔyaana m ba kaa sa Josɛf nɛ e bee sa bumo ajibi. Basa daa bar bumo be egbaŋɛ nɛ bumo be mbolpɔ nɛ mboe nɛ ana nɛ ekurma nna. Amoafɛ basa na be asɔbɔya nɛ b ta n chɛr ajibi n ji loŋ nɛ kafɛ naŋ ya bɔɔ m ba.

Jɛnesis 47:17 ပူးပေါင်းရင်းမြစ်များ

Jɛnesis 47:16

Nɛ Josɛf kaŋɛ bumo: “To, kumo ere men ta men be asɔbɔya m ba kaa chɛr ajibi ŋkpal men be amansherbi kikɛ ka loge so.”

Jɛnesis 47:18

Kafɛ na ka fo ekar nɛ b naŋ ba Josɛf kutɔ m ba kaŋɛ mo: “Ebunyampo, anyi maaŋ tiŋ n ta le be kesheŋ ere ŋ ŋana fo so fanɛ anyi be amansherbi kikɛ loge nɛ anyi be asɔbɔya malɛ kikɛ ki feya naniere. Anyi maŋ naa kɔ shɛŋ nɛ an sa fo an nyɛnpe. Naniere anyi gbagba be amu nɛ anyi be nsawule e ka.

1 Bewura 10:28

Ijipt nɛ efuli pɔtɛana so nɛ ewura Sɔlɔmɔn daa tɔ mbe egbaŋɛ.

Job be kawɔl 2:4

Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Ɛksodɔs 9:3

meeŋ ta kulɔ lubi n lɛ men be asɔbɔya, fanɛ egbaŋɛ nɛ ekurma nɛ enyɔma nɛ ana nɛ mbolpɔ nɛ mboe kikɛ so.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.