Jɛnesis 46:12 - EBƆRƐ BE KAWƆL

¹² Juda malɛ e daŋ naŋ bɛ so nɛ mbe mbia be atre daa ji: Ɛr nɛ Onan nɛ Shela nɛ Pɛrɛs nɛ Zɛra. Ɛr nɛ Onan bre daŋ wu Keenan be kasawule so nna. Pɛrɛs malɛ be mbia daa la Hɛzrɔn nɛ Hamul.

Jɛnesis 46:12 ပူးပေါင်းရင်းမြစ်များ

Jɛnesis 29:35

Kede be kaman nɛ Lia naŋ di kedampo ŋ kurge ebinyɛn nseŋ kaŋɛ: “Kede bre to meeŋ di Enyɛnpe na epaŋ.” Amoso ketre nɛ e daŋ sa kebia na e daa la Juda.

Jɛnesis 38:10

Kusɔ nɛ Onan daa wora na daa la kusɔ lubi nna Ebɔrɛ be anishito nɛ Ebɔrɛ shin nɛ mo alɛ gba wu.

Jɛnesis 38:4

B wɔtɔ loŋ nɛ eche na naŋ di kedampo ŋ kurge ebinyɛn nseŋ nase mo ketre Onan.

Jɛnesis 38:5

Onan be kaman nɛ eche na naŋ di kedampo ŋ kurge ebinyɛn n nase mo ketre Shela. Kade nɛ baa tre Kezib na nɛ Juda daa wɔ nseŋ kurge mo.

Jɛnesis 38:7

Ama Ɛra daa la esa lubi nna ashi Enyɛnpe be anishito nɛ Enyɛnpe Ebɔrɛ shin nɛ wu.

Jɛnesis 46:11

Livai e daŋ naŋ bɛ so nɛ mbe mbia be atre daa la Gɛrshon nɛ Kohaf nɛ Merari.

Jɛnesis 46:13

Isakar malɛ be mbia e daa la Tola nɛ Puwa nɛ Jashub nɛ Shimron.

1 Kronikɛls 2:1

Jeekɔb daa kɔ mbinyɛnsobi kuduanyɔ nna. Bumo e la Ruben nɛ Simiɔn nɛ Livai nɛ Juda nɛ Isaaka nɛ Zɛbyulɔn

1 Kronikɛls 3:1

Saŋɛ so nɛ Deevid daa wɔ Hibrɔn na, mbinyɛnsobi ashe nɛ e daŋ kurge. Kananɛ b bɛ abar so kenimu kenimuso nde: Mo pibi nɛ e juŋkpar e la Ammɔn nɛ mo nio daa la Ahinɔam nɛ e shi Jizreel na. Emo nɛ e bɛ so enyɔsopo e la Danɛl nɛ mo nio daa la Abigɛl nɛ e shi Kamɛl na. Emo nɛ e bɛ so esasopo e la Absalɔm nɛ mo nio daa la Maaka nɛ e daa la Gɛshur be ewura Talmai pibiche na. Emo nɛ e bɛ so enasopo e la Adonija nɛ mo nio daa la Hagif na. Emo nɛ e bɛ so enusopo e la Shefatiya nɛ mo nio daa la Abitaal na. Emo nɛ e bɛ so eshesopo e la Itriam nɛ mo nio daa la Egla na

1 Kronikɛls 4:1

Juda be kaman to ebi na be beko e daa la Pɛrez nɛ Hezrɔn nɛ Kaami nɛ Hur nɛ Shobaal.

1 Kronikɛls 4:21

Juda be mbinyɛnsobi na be eko e daa la Shɛla. Mbe kaman to ebi na be beko e daa la Err nɛ e daŋ juŋkpar n chena Leka na. Laada malɛ e daŋ juŋkpar n chena Marɛsha. Mbe kabuna ebi e daa wɔ Bɛf Ashbiya be kade to nsaa kɔ ago be ewajɛ be kelue be kenyi ga na.

1 Kronikɛls 5:2

Juda be yiri na e daa kɔ eleŋ ga, hale nɛ Israɛl be ejuŋkparpo gba bɔla kanaŋ na to m ba, ama amo nɛ amo kikɛ Josɛf be kanaŋ e nya kuwurkoŋ na be eyilikpa.

1 Kronikɛls 9:4

Juda be yiri to be basa nɛ b daŋ ya chena Jerusalɛm na daa wɔ nnaŋ alfa ashe nɛ adekpanu. Bumo kikɛ ere daa la Juda be mbinyɛnsobi asa na be kaman to ebi nna. Bumo e la Pɛrɛs nɛ Shela nɛ Zɛra na. Bumo be bejuŋkparpoana e daa la Utai nɛ Asaya nɛ Jewuɛl. Amihuud pibinyɛn e daa la Utai. Utai be kaman to ebi e daa la Omri nɛ Imri nɛ Bani nɛ Pɛrɛs. Shɛla be kaman to be esa e daa la Asaya, nɛ Zɛra malɛ be kanaŋ to be esa daa la Jewuɛl.

Nehemaya 11:24

Mɛshezabel pibinyɛn Pethalia nɛ e shi Zeera be kanaŋ to nsaa la Juda be yiri to be esa na e daa yili Israɛlebi be katelamu to ashi Pɛshiya be efuli so be ewurgboŋ be lambu to.

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Nɔmbɛs 1:7

nɛ Aminadab pibinyɛn Naashɔn shi Juda be yiri to

Ditɛronɔmi 33:7

Le nɛ Mosis kaŋɛ a laŋɛ Juda be yiri be kaplɛa so: “Enyɛnpe Ebɔrɛ, nu Juda be yiri to ebi be kushu, nseŋ bɛta bumo nɛ eyiriana na kikɛ m ba abar so. Enyɛnpe Ebɔrɛ, kɔ n sa bumo, chɛ bumo to ŋ kɔ bumo doŋana.”

Hibruwebi 7:14

Ŋkpal manɛ so, k baŋ fuli nna fanɛ Juda be kanaŋ to nɛ an Nyɛnpe na lar. Mosis malɛ maŋ malga shɛŋ ŋ kaŋɛ fanɛ kanaŋ na ti bɔrɛmatapoana na so.

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”

Demujipoana 1:2

Nɛ Enyɛnpe Ebɔrɛ na kaŋɛ: “Juda be kabuna e naaŋ juŋkpar n yɔ, ŋkpal manɛ so, n teŋ ta kasawule na m bɔɔ bumo enɔ.”

Ruf be kawɔl 4:12

Enyɛnpe Ebɔrɛ e shin nɛ mbia mo nɛ feeŋ bɔla eche ere so n nya na e ba shin nɛ fo kanaŋ e baa du fanɛ Pɛrɛs nɛ Tama nɛ Juda daŋ kurge na be kanaŋ.”