Jɛnesis 46:1 - EBƆRƐ BE KAWƆL

¹ Ndoŋ nna nɛ Jeekɔb bela ase n ta kusɔ kama nɛ e kɔ m pɛ Ijipt be ekpa loŋ m ba fo Bɛshiba nseŋ lara esarga ndoŋ n sa mo tuto Aizek be Ebɔrɛ na.

Jɛnesis 46:1 ပူးပေါင်းရင်းမြစ်များ

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 21:31

Kede so nɛ kaboŋ na nya ketre Bɛshiba na a ŋini fanɛ ndoŋ nɛ basa anyɔ na nase kɔnɔ n sa abar.

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

Jɛnesis 22:13

Malaika na ka kaŋɛ loŋ na nɛ Eebraham maŋ kumo so ŋ keni nɛ asɔ ko fanɛ chakpaŋare kre kpakpa ko n yili, nɛ e yɔ n ya saŋɛ kpakpa na m ba mɔ n chɔɔ n lara sarga n sa Ebɔrɛ, nseŋ yige mbe kebia na.

Jɛnesis 28:10

Jeekɔb daŋ lar Bɛshiba nna m pɛ Haran be ekpa.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

Jɛnesis 4:4

nɛ Eebel malɛ bar mbe asɔbɔya to be ewurkoŋfɔlbiana na be eko m ba mɔ nseŋ lara kumo be ebɛaŋ n sa Enyɛnpe Ebɔrɛ na. Ndoŋ nna nɛ Eebel nɛ mbe kakɛ na be asheŋ bɔlɔ Enyɛnpe Ebɔrɛ na kenishi.

Jɛnesis 45:28

nseŋ kaŋɛ: “Naniere bre m pin asheŋ na ka la kashenteŋ. Kashenteŋto, m pibi Josɛf kraa wɔ ŋkpa to. Ma alɛ beeŋ ya wu mo pɔɛŋ nseŋ wu.”

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Eemɔs 7:9

Abee so be mboŋ nɛ basa daa shuŋ Ebɔrɛ na kikɛ beeŋ mur. Nɛ bumo be ebɔrɛlambuana kikɛ a ki alambure. Nɛ n shin nɛ Ewura Jeroboam be kuwurji malɛ e ba ekar.”

Ashuŋ Shunso 7:15

Ndoŋ nna nɛ Jeekɔb kaa n yɔ Ijipt be efuli so, ndoŋ nɛ mo nɛ an nanaana kikɛ ya wu n wu n loge

Joshuwa 24:4

N sa Aizek malɛ mbinyɛnbi anyɔ nɛ baa tre Jeekɔb nɛ Isɔɔ na. Edɔm be abee be kasawule na be kaba so nɛ n ta n sa Isɔɔ fanɛ mbe kapetɛ, ama Jeekɔb bre nɛ mbe mbia daŋ yɔ Ijipt nna.

1 Samuɛl 3:20

Amoso baŋ yili Dan be kade to be kelargato be esoso n ya fo Bɛshiba be kade to be kelargato be kaseto kikɛ Israɛl be basa daŋ pin fanɛ Samuɛl la Enyɛnpe Ebɔrɛ na be anebi nna.

1 Samuɛl 8:2

Mo pibinyɛn nimuso na be ketre e daa la Jowɛl nɛ ekekarso na malɛ be ketre daa la Abija. Bumo kikɛ daa wɔ kade nɛ baa tre Bɛshiba na nna.