Jɛnesis 45:5 - EBƆRƐ BE KAWƆL

⁵ Men sa maŋ shin nɛ men be ŋgbene e jija menyi. Menyi alɛ e sa maŋ nya agbo n wora men be amu ŋkpal men ka daŋ fa ma so so, ŋkpal manɛ so, basa be kenya ŋkpa so e shin nɛ Ebɔrɛ juŋkpar n shuŋi ma nfe.

Jɛnesis 45:5 ပူးပေါင်းရင်းမြစ်များ

Jɛnesis 37:28

Amoso Ishmaɛlebi be eyawujipoana na ka ba fo kakpa nɛ Josɛf mo daana na wɔ na nɛ b lara Josɛf ketirbu na to n fa mo egbiti be ndarbi adunyɔ n sa Ishmaɛlebi na nɛ b ta mo n yɔ Ijipt be efuli so. Kumo be saŋɛ so nɛ Ruben bre maŋ wɔ bumo kutɔ.

Jɛnesis 47:25

Ndoŋ nna nɛ b kaŋɛ Josɛf: “Ebunyampo, fo mɔlga anyi be ŋkpaana, amoso an shuli fanɛ, anyeeŋ baa la Fɛɛro be anya fanɛ kananɛ fo kaŋɛ na.”

Jɛnesis 50:19

Ndoŋ nna nɛ Josɛf kaŋɛ bumo: “Men sa maa lɔ kufu, mannɛ ma e la Ebɔrɛ.

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

Jɛnesis 50:21

Amoso, men sa maŋ shin nɛ kufu kama e baa kɔ menyi. Meeŋ baa keni menyi nɛ men be mbia so.” E daŋ leŋ bumo to nna m malga mmalga lela n sa bumo.

2 Samuɛl 12:12

Fo ere ŋana nna n wora kulubi ama ma ere beeŋ shin nɛ kusɔ nɛ meeŋ wora ere e dii efuli nɛ Israɛlebi kikɛ e wu kumo.’ ”

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

Ɛsta 4:14

Nɛ fo baŋ maŋ wora shɛŋ le be jemanɛ ere, ashere, echɛtopo ko beeŋ shi kakpa ko m ba mɔlga anyi. Ama fo ere nɛ fo tuto be kanaŋ to ebi kikɛ beeŋ mur. Wanɛ e nyi fanɛ le bre so nɛ fo ki ewurche le be jemanɛ ere?”

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Luuk 23:34

Nɛ Yesu kaŋɛ le: “Etuto, ta m paŋ bumo, ŋkpal manɛ so, b maŋ nyi kusɔ nɛ baa wora.” Nɛ b to beri a fin bumo nɛ baaŋ nya mbe asɔbuuso.

2 Kɔrintebi 2:11

Saŋɛ na so, Setani maaŋ nya anyi, ŋkpal manɛ so, an nyi mbe nfɛra.

2 Kɔrintebi 2:7

Naniere kusɔ nɛ k daga fanɛ men baa wora e la fanɛ men ta m paŋ mo nseŋ leŋ mo to, saŋɛ na so mbe kagbenejija damta na maaŋ pɔɔ mo so.

Failimɔn 1:15

Shere kumo so nɛ e daŋ lar fo kutɔ nchɛnnyɔ na nɛ e naŋ ya bɛta m ba kaa wɔ fo kutɔ mbaanaayɔ.

1 Samuɛl 1:19

Kumo be ŋklade kachipurdidi nɛ Ɛlkana nɛ mbe kanaŋ wule ŋ koso n ya bunyaŋ Enyɛnpe Ebɔrɛ nseŋ bɛta n yɔ Raama, bumo be kade to. Elkana nɛ mbe eche Haana ka di keche nɛ kenyɛn nɛ Enyɛnpe Ebɔrɛ nu Haana be kabɔrɛkule.