Jɛnesis 45:3 - EBƆRƐ BE KAWƆL

³ Kusɔ nɛ Josɛf daŋ kaŋɛ bumo e daa la: “Ma Josɛf nna na. N tuto kraa wɔtɔ a?” Ama mo daana na daa maŋ tiŋ nɛ b sa mo mbe mmalga na be atuwebi, ŋkpal manɛ so kufu daŋ pɛ bumo nna ga ashi mbe anishito.

Jɛnesis 45:3 ပူးပေါင်းရင်းမြစ်များ

Jɛnesis 37:20

Men shin nɛ an mɔ mo n lɛ ketirbu ere be kuko to nseŋ ya kaŋɛ fanɛ kupuŋ to be kusɔbɔya lubi ko e mɔ mo nseŋ keni kananɛ mbe edare ere be asheŋ beeŋ ba ki.”

Jɛnesis 42:21

nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Jɛnesis 42:22

Nɛ Ruben bishi bumo: “N daa maŋ kaŋɛ menyi fanɛ men sa maŋ wora kebinyɛnbi na shɛŋ nɛ men kini kenu n sa ma? To, naniere kusɔ nɛ an wora mo na be kuwule e naa bishi anyi na.”

Jɛnesis 43:27

Ndoŋ nna nɛ e chɔrɔ bumo nseŋ bishi bumo kananɛ kebaawɔtɔ du n sa bumo nɛ kananɛ bumo tuto du. E yɛ: “Men tuto kraa wɔtɔ a?”

Job be kawɔl 23:15

Amoso nɛ mbe asheŋ bee keta ma kufu ga na. M baŋ fɛ ade kikɛ be asheŋ, kufugboŋ bee pɛ ma nna nɛ m baa chicha.

Job be kawɔl 4:5

Ama naniere kufugboŋ tɔr fo so nɛ fo gbagba bee kule a fin luwu ŋkpal etɔrɔ ka ba fo so na so.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Maak 6:50

Ŋkpal manɛ so, bumo kikɛ daŋ wu mo nna nɛ kufu pɛ bumo ga. Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

Ashuŋ Shunso 7:13

B ka naŋ bɛta n yɔ kela nyɔsopo to nɛ Josɛf shin nɛ mo daana na pin mo, kumo be kaman nɛ Fɛɛro ba pin Josɛf be basa.

Ashuŋ Shunso 9:5

Nɛ Sɔɔl bishi mo: “Fo wanɛ Enyɛnpe?” Nɛ ebɔl na kaŋɛ: “Ma Yesu nɛ fee tɔrɔ na.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.