Jɛnesis 45:26 - EBƆRƐ BE KAWƆL

²⁶ B ka fo nɛ b kaŋɛ mo: “Josɛf kraa wɔ ŋkpa to. Mo e la Ijipt be efuli so kikɛ be gomena gba kuraa!” Ndoŋ nna nɛ kamalga na mɔ Jeekɔb kɔnɔ nɛ e maŋ tiŋ nɛ e yirda bumo.

Jɛnesis 45:26 ပူးပေါင်းရင်းမြစ်များ

Jɛnesis 37:31

Kumo be kaman nɛ b mɔ kaboe nseŋ ta Josɛf be piŋi tenteŋ muchɛr muchɛr na m melti m melti kumo be ŋklaŋ

Jɛnesis 37:35

Mbe bibinyɛn nɛ bibiche kikɛ daŋ wushi mo kagbene ŋ gben nɛ e yɛ: “Ayai, m maaŋ tiŋ n yige. Ma nɛ kushu ere e naaŋ yɔ ma nchaŋ to, kakpa nɛ ma kebia na wɔ na.” Kashenteŋto, e daŋ shu ga ŋkpal Josɛf so.

Jɛnesis 42:29

B ka ba bumo tuto Jeekɔb nɛ e daa wɔ Keenan na kutɔ nɛ b kaŋɛ mo asheŋ nɛ a daŋ ya tu bumo na kikɛ nyam.

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 42:38

Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

Jɛnesis 44:28

Eko maŋ naa wɔ ma kutɔ nɛ ŋ kaŋɛ le: ‘Kashenteŋto kupuŋ to be kusɔ ko e kpɛa mo to n we na.’ Yili kumo be jemanɛ na so malɛ kikɛ m ba fo mbre, m maŋ naŋ wu mo kikɛ.

Jɛnesis 45:25

B ka lar Ijipt na nɛ b ta loŋ m ba bumo tuto Jeekɔb kutɔ ashi Keenan be kasawule so.

Jɛnesis 48:11

Kumo be kaman nɛ Jeekɔb kaŋɛ mo pibi Josɛf le: “N daa maŋ naŋ fɛ fanɛ meeŋ naŋ wu fo kikɛ, ama naniere Ebɔrɛ shin nɛ n wu fo nɛ fo mbia gba kuraa!”

Job be kawɔl 29:24

M baŋ mushe n wɔtɔ bumo jemanɛ nɛ asheŋ maŋ bɔ n sa bumo, k bee leŋ bumo to nna nsaa sa bumo tama.

Job be kawɔl 9:16

Hale nɛ e sa ma ekpa nɛ m malga gba a, m maŋ yirda fanɛ e beeŋ nu n sa ma.

Nshɛ 105:21

Ewura na daŋ shin nna nɛ e bee keni mbe laŋ nɛ asɔ kikɛ so.

Nshɛ 126:1

Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku.

Jona 2:7

Ma ŋkpa kaa bee fo ekar na nɛ n nyiŋi fo, Enyɛnpe Ebɔrɛ na, nseŋ kule fo nɛ fo nu ma kekule ashi fo bɔrɛlambu cheembi na to.

Luuk 24:11

Ama b daa maŋ yirda bumo nseŋ daa tama fanɛ bumo be mmalga na daa la mmalga fuloŋ nna.

Luuk 24:34

Nɛ bebɛsopoana na kaŋɛ bumo benyɔ na le: “Enyɛnpe tiŋi kashenteŋto hale n lar Saimɔn so.”

Luuk 24:41

Bumo be ŋgbene ka fuli bumo ga nɛ kesheŋ na kraa chinchiŋ bumo nɛ baa yirda kumo a gben nɛ e bishi bumo le: “Men maŋ kɔ kusɔ jiso ko nfe a?”