Jɛnesis 45:18 - EBƆRƐ BE KAWƆL

¹⁸ n ya bar men tuto nɛ bumo be beche nɛ mbia nfe. Nɛ men ba, meeŋ sa menyi Ijipt be kasawule lela ga nɛ men chena ndoŋ n nu ebel.

Jɛnesis 45:18 ပူးပေါင်းရင်းမြစ်များ

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Jɛnesis 45:17

Ndoŋ nna nɛ Fɛɛro kaŋɛ Josɛf le: “Keni, kaŋɛ fo daana na fanɛ b bela ase n ta esulɔ n sulɔ bumo be ekurma m bɛta n yɔ Keenan

Jɛnesis 46:34

men kaŋɛ mo le: ‘Anyi be kebia to kikɛ anyi, fo anya, la asɔbɔyakpapoana nna fanɛ an nananyɛnana m ba fo mbre.’ Nɛ men kaŋɛ mo loŋ e beeŋ sa menyi ekpa nɛ men ya kaa wɔ Goshen be kasawule so, ŋkpal manɛ so, Ijiptebi nɛ mbolpɔkenipoana maŋ kɔ shɛŋ.”

Jɛnesis 47:6

Ijipt malɛ be kasawule kikɛ e dese fo na, shin nɛ fo tuto nɛ fo daana na e ya chena kaplɛkama nɛ k walɛ. Shin nɛ b ya kaa wɔ Goshen be kaba so. Bumo to be ekama malɛ nɛ e nyi asɔbɔya to nɛnɛ, fo ta ma asɔbɔya m bɔɔ mo enɔ.”

Nshɛ 147:14

Ebɔrɛ e shin nɛ men wɔ kayurwushi to ashi menyi be efuli so na. Mo e naa sa menyi ajibi lela.

Nshɛ 81:16

Ama menyi ere, ayu lela nɛ abee to be mushoŋchu nɛ meeŋ ta m bela menyi nɛ men ji m moɛ.”

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 28:4

Bumo be kemaŋkura nɛ k bee terge na beeŋ foe fanɛ asɔrso nɛ a juŋkpar m bel kafɛ to, nɛ basa bee fuu amo a ji na.

Nɔmbɛs 18:12

N ta ɔlif be ŋku nɛ yabra belbelso nɛ ayu nɛ a la sososo be ajibi nɛ Israɛlebi bee lara kafɛ kafɛ kikɛ a sa ma na nna n sa menyi.

Nɔmbɛs 18:29

Amo to be alela e daga fanɛ men ka lara n ya sa Enyɛnpe Ebɔrɛ na.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.