Jɛnesis 45:15 - EBƆRƐ BE KAWƆL

¹⁵ Kumo be kaman nɛ Josɛf nɛ mo daana na pɛ abar to kashaso n shu fraa. Ade be kaman nɛ mo daana na fara a malga mo kutɔ yɛlyɛla so.

Jɛnesis 45:15 ပူးပေါင်းရင်းမြစ်များ

Jɛnesis 29:11

Kumo be kaman nɛ Jeekɔb ya ber Reechel to n chɔrɔ mo kashaso nseŋ fara a shu awɔrso

Jɛnesis 29:13

Leeban malɛ ka baŋ nu mo sipoche pibi Jeekɔb be asheŋ nɛ e lar manaŋ n yɔ nɛ e ya shɛr mo to. E ka ya wu mo nɛ e ya ber mo to n chɔrɔ mo kashaso nseŋ keta mo n yɔ mo pe nɛ Jeekɔb ya kaŋɛ mo asheŋ nɛ a wora kikɛ nyam.

Jɛnesis 33:4

Ndoŋ nna nɛ Isɔɔ malɛ shile n ya ber Jeekɔb to n far n chɛ mo n lɛ mbe enɔ n deŋi mbe abatimu so nɛ bumo benyɔ na kikɛ shu ga.

Jɛnesis 42:24

B kaa bee malga na nɛ Josɛf pal kaman n sa bumo n shu ga. Kumo be kaman nɛ e naŋ kilgi m malga bumo kutɔ. E daŋ shin nna nɛ b lara Simiɔn ŋ kre mo bumo kikɛ be anishito.

Jɛnesis 45:14

Ndoŋ nna nɛ e pɛ mo sipo Bɛnjamin m mata mbe kumu nseŋ shu nɛ Bɛnjamin malɛ gba shu ga.

Jɛnesis 45:16

Josɛf mo daana na nɛ mo sipo Bɛnjamin be keba na be baru ka fo ewura Fɛɛro pe nɛ mo nɛ mbe benimu kikɛ be ŋgbene fuli bumo ga.

Jɛnesis 45:2

nseŋ shu awɔrso ga hale nɛ Ijiptebi nɛ b daa wɔ kowu na nu e ka bee shu. Ewura Fɛɛro be laŋ to ebi gba nu mbe kushu na be asheŋ.

Jɛnesis 46:29

nɛ Josɛf bela ase n luri mbe gbaŋɛturko to m pɛ ekpa nɛ e ya tu mo tuto Jeekɔb ndoŋ. Josɛf ka wu mo tuto nɛ e ya ber mo to m pɛ mo to nseŋ shu n chɛr ga.

2 Samuɛl 14:33

Ndoŋ nna nɛ Jɔab yɔ ewura Deevid kutɔ n ya kaŋɛ mo kusɔ nɛ Absalɔm kaŋɛ kikɛ. Nɛ ewura shuŋi n tre Absalɔm nɛ e ba m ba jɔŋɛ mbe anishito, nɛ ewura na chɔrɔ mo kashaso.

Nshɛ 77:4

Ŋkpal fo, Enyɛnpe Ebɔrɛ na so, m maŋ tiŋ nɛ n di. Ewushi kikɛ maŋ wɔ ma to, m maŋ tiŋ nɛ m malga gba.

Ɛksodɔs 4:27

Kede be kaman nɛ Enyɛnpe Ebɔrɛ kaŋɛ Ɛɛrɔn: “Yɔ keshishɛrsawule na ase n ya tu Mosis ndoŋ.” Ndoŋ nna nɛ Ɛɛrɔn yɔ n ya tu Mosis ashi Sainai be kebeegboŋ na so nseŋ ya ber mo to n chɔrɔ mo kashaso.

Luuk 15:20

Ndoŋ nna nɛ e koso m pɛ epe be ekpa a ba mo tuto kutɔ. E ka ba kaa fo epe ŋ kraa wɔ kufɔ nɛ mo tuto wu mo nseŋ wu mo kuwɔr nseŋ shile n ya pɛ mo to kashaso n wora mo ansaŋ nɛ keba ga.

Ashuŋ Shunso 20:37

Ndoŋ nna nɛ bumo kikɛ ba kaa nyaŋ mo a mata bumo be amu kashaso a kela mo nsaa shu.

Ruf be kawɔl 1:14

Nawomi ka kaŋɛ loŋ na nɛ mo nɛ mo shacheana na kikɛ naŋ shu. Kumo be kaman nɛ Orpa pɛ mo shache Nawomi to kashaso nseŋ kela mo, ama Ruf bre daŋ far nna n chɛ Nawomi.

Ruf be kawɔl 1:9

Enyɛnpe Ebɔrɛ na e ya sa menyi be ekama echenakpa ashi mo kul popɔr pe.

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 20:41

Kabrantiɛbia na ka yɔ na be kaman, nɛ Deevid koso ashi ajembu nɛ a deŋ abar so kululu na ase n ya jɔŋɛ Jonatan ase ale asa. Nɛ b chɔrɔ abar kashaso nseŋ shu ga. Ama Deevid e daŋ shu ga.