Jɛnesis 43:34 - EBƆRƐ BE KAWƆL

³⁴ Josɛf be echenakpa na nɛ b daŋ yili n chige ajibi na n sa bumo. Bɛnjamin malɛ peya daa chɔ ekama peya ale anu. Ama bumo kikɛ daŋ ji kejigboŋ nna nseŋ tu Josɛf n nuu asɔnuuso yɛlyɛla so.

Jɛnesis 43:34 ပူးပေါင်းရင်းမြစ်များ

Jɛnesis 35:24

Reechel be mbia e daa la, Josɛf nɛ Bɛnjamin.

Jɛnesis 45:22

Josɛf daŋ sa mo daana na kikɛ asɔbuuso popɔr koko nna nseŋ sa Bɛnjamin malɛ asɔbuuso popɔr be yiri ntuŋ anu nɛ gbiti be ndarbi alfa asa.

2 Samuɛl 11:8

Kumo be kaman nɛ e kaŋɛ Yuriya le: “Kumo ere fo yɔ epe n ya wushi gbrɛbi.” Yuriya ka yɔ epe nɛ Deevid ta kakɛ n shuŋi m bɛ so fanɛ b ya sa mo ashi mbe laŋ to.

Aŋasa 31:6

Yige nsa n sa bumo nɛ b maŋ naa kɔ tama kikɛ nsaa yɔ kemur to na.

Kaŋinichiŋgeliŋ 10:19

Kebaa ji nsaa nuu bee shin nɛ esa be kagbene bee fuli mo nna, ama amansherbi nɛ e beeŋ nya pɔɛŋ tiŋ n wora amo kikɛ.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Habakuk 1:6

Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Baru lela nɛ Jɔn kute na 2:10

“Keni, yabra belbelso lela nɛ ekama yaa fara a bar nɛ basa bee nuu bumo be keparso pɔɛŋ nɛ baa bar amo nɛ a maŋ wɔ ebel fanɛ ade na kaman. Nɛ manɛ e ba nɛ fo ere yaŋ ta alela na n yili loŋ m ba kaa chige amo naniere?”

1 Samuɛl 1:5

Hale Enyɛnpe Ebɔrɛ ka shin nɛ Haana daa la egbentepo na kikɛ Elkana daa sa mo sarga na be eblaŋ lela nna a chɔ Pɛnina nɛ mbe mbia ŋkpal e ka bee sha Haana ga so.