Jɛnesis 43:30 - EBƆRƐ BE KAWƆL

³⁰ E ka wu mo sipo Bɛnjamin na nɛ kebɔltofinfin pɛ mo nɛ e nya manaŋ n lar bumo to ndoŋ n yɔ mbe ebu deseto to n ya shu nseŋ kpra mbe anishichubi.

Jɛnesis 43:30 ပူးပေါင်းရင်းမြစ်များ

Jɛnesis 42:24

B kaa bee malga na nɛ Josɛf pal kaman n sa bumo n shu ga. Kumo be kaman nɛ e naŋ kilgi m malga bumo kutɔ. E daŋ shin nna nɛ b lara Simiɔn ŋ kre mo bumo kikɛ be anishito.

Jɛnesis 45:2

nseŋ shu awɔrso ga hale nɛ Ijiptebi nɛ b daa wɔ kowu na nu e ka bee shu. Ewura Fɛɛro be laŋ to ebi gba nu mbe kushu na be asheŋ.

Jɛnesis 46:29

nɛ Josɛf bela ase n luri mbe gbaŋɛturko to m pɛ ekpa nɛ e ya tu mo tuto Jeekɔb ndoŋ. Josɛf ka wu mo tuto nɛ e ya ber mo to m pɛ mo to nseŋ shu n chɛr ga.

1 Bewura 3:26

Ndoŋ nna nɛ kuwɔr pɛ kebia na mo nio gbagba nɛ e kaŋɛ ewura na le: “Jande, Yiramu, sa maŋ mɔ kebia na! Ta mo n sa mbarkasa na.” Ama eche nyɔsopo na bre daŋ kaŋɛ le nna: “Sa maŋ ta kebia na n sa anyi be ekama; barga mo to anyɔ n sa anyi.”

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Ashuŋ Shunso 20:19

N daa shuŋ ma kushuŋ nna fanɛ kebɔrɛnya nsaa yɔɔ ma kumu saŋkama a wɔtɔ a nya kagbenejija a shu nchɛ nchɛ to ŋkpal Juwebi be nia nɛ b daa kre ma na so.

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Ashuŋ Shunso 20:37

Ndoŋ nna nɛ bumo kikɛ ba kaa nyaŋ mo a mata bumo be amu kashaso a kela mo nsaa shu.

Filipaiebi 1:8

Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.

Filipaiebi 2:1

Nɛ fanɛ fo kɔ keleŋ n wɔtɔ be kebaawɔtɔ ŋkpal fo ka wɔ Kristo to so, mbe kasha bee wushi fo kagbene to nɛ fo nɛ Kiyoyu na kɔ kebaawɔtɔ koŋwule nna ŋko nɛ men la basa nna a sa abar nsaa wu abar kuwɔr kashenteŋto,

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

2 Timoti 1:4

M baŋ nyiŋi fo anishichubi na be asheŋ, m baa sha kewu fo nna nɛ ma kagbene e fuli ma.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?