Jɛnesis 43:29 - EBƆRƐ BE KAWƆL

²⁹ E ka maŋ kumu so ŋ keni n wu mo sipo Bɛnjamin nɛ e la mo nio pibi gbagba na nɛ e bishi bumo: “Men sipobi nɛ men kaŋɛ ma mbe asheŋ na nde a?” Kumo be kaman nɛ e kaŋɛ: “M pibi, Ebɔrɛ e nɛfa fo.”

Jɛnesis 43:29 ပူးပေါင်းရင်းမြစ်များ

Jɛnesis 35:24

Reechel be mbia e daa la, Josɛf nɛ Bɛnjamin.

Jɛnesis 42:11

An kikɛ la enyɛn koŋwule be mbia nna. Anyi, fo anya la beshenteŋjipo nna, anyi maŋ la basa nɛ baa ba nɛ b ba dara kusɔ ko nfe.”

Jɛnesis 42:13

Ndoŋ nna nɛ b kaŋɛ mo: “Anyi, fo anya daa la enyɛn koŋwule be bibinyɛn kuduanyɔ nna. Ekoŋwule maŋ naa wɔtɔ nɛ kaluge na malɛ wɔ an tuto kutɔ.”

Jɛnesis 44:21

An ka kaŋɛ fo loŋ na nɛ fo kaŋɛ anyi, fo anya le: ‘Men ya bar mo nɛ ma alɛ gba e wu mo.’

Jɛnesis 45:8

Amoso, mannɛ menyi e bar ma nfe, Ebɔrɛ e bar ma nfe m ba ta ma ŋ ki ewura Fɛɛro be kowu to ebi kikɛ nyam so be enimu nɛ mee ji kuwura Ijipt be efuli so kikɛ.

2 Kronikɛls 29:11

Ma mbinyɛnsobi, men sa maa jija saŋɛ, ŋkpal manɛ so, menyi nɛ Enyɛnpe Ebɔrɛ na lara fanɛ men baa chɔɔ duwu a sa mo nsaa juŋkpar basa nɛ b baa shuŋ mo.”

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 112:4

Basa nɛ baa wu kuwɔr nsaa la basa a wora asheŋ niŋiso na du fanɛ kefulto nna ashi tentembiri to.

Nshɛ 67:1

Anyi be Ebɔrɛ, wu anyi kuwɔr, n shin nɛ fo kagbene e fuli anyi so, nɛ fo wora anyi kelela nseŋ nɛfa anyi;

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Malakai 1:9

Nɛ menyi bɔrɛmatapoana kule Ebɔrɛ fanɛ e wu anyi kuwɔr e beeŋ nu menyi be kekule a? Nɛ k baŋ ba loŋ, kumo ere menyi e bar kumo.

Nɔmbɛs 6:25

Enyɛnpe Ebɔrɛ na be kelela nɛ mbe kuwɔr be kakɛ e baa wɔ menyi so.

Matiu 9:2

Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Matiu 9:22

Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Maak 10:24

Nɛ mbe kamalga na chinchiŋ bebɛsopo na ga, ama Yesu naŋ kaŋɛ: “Ma mbia, Ebɔrɛ be kuwura na to be keluri du kpakpa ga.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

Hibruwebi 13:1

Men ba kraa wɔtɔ a sha abar fanɛ keniopibiana ashi Kristo to.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”