Jɛnesis 43:26 - EBƆRƐ BE KAWƆL

²⁶ Josɛf ka ba epe nɛ b jɔŋɛ mo ase bunyanso nseŋ ta bumo be ŋkɛ nɛ b bar mo na n sa mo.

Jɛnesis 43:26 ပူးပေါင်းရင်းမြစ်များ

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 33:3

Jeekɔb ka wora loŋ na nɛ mo gbagba juŋkpar bumo kikɛ a jɔŋɛ a jɔŋɛ mo da Isɔɔ ase. E daŋ jɔŋɛ mo ase ale shunu nna pɔɛŋ nseŋ tu mo.

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

Jɛnesis 43:28

Nɛ b naŋ jɔŋɛ mo ase nseŋ shuli ŋ kaŋɛ: “Mm, an tuto fo kenya kraa wɔtɔ a kɔ alenfia.”

Nshɛ 72:9

Saŋɛ na so keshishɛrsawule so be basa beeŋ ba jɔŋɛ mo ase m bunyaŋ mo. Nɛ b tintiŋ mo doŋana nɛ b ba dese kasawule ashi mbe anishito.

Ɛksodɔs 18:7

Ndoŋ nna nɛ Mosis lar n ya shɛr mo shanyɛn Jetro to nseŋ jɔŋɛ mo ase bunyanso. B ka chɔrɔ abar n loge nɛ b keta abar n luri Mosis be wajɛbu to.

Romebi 14:11

Ŋkpal manɛ so, loŋ gbagba nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Ma, Enyɛnpe ka baa wɔ ŋkpa to ere bre, ekama beeŋ ba gbir ma kumuli kacha ko, ekama malɛ beeŋ ba bugi kɔnɔ ŋ kaŋɛ fanɛ ma e la Ebɔrɛ.”