Jɛnesis 43:23 - EBƆRƐ BE KAWƆL

²³ Ndoŋ nna nɛ Josɛf be kayɛrbi nimuso na kaŋɛ bumo: “Men sa maŋ shin nɛ k tir menyi ŋko n shin nɛ kufu e baa kɔ menyi. N nyiŋi ŋ ka daŋ sɔ men be amansherbi na, amoso shere Ebɔrɛ nɛ menyi nɛ men tuto bee shuŋ na e ta loŋ be amansherbi na n wɔtɔ menyi be ebɔtɛ to na.” Kumo be kaman nɛ e ya bar Simiɔn bumo kutɔ.

Jɛnesis 43:23 ပူးပေါင်းရင်းမြစ်များ

Jɛnesis 42:24

B kaa bee malga na nɛ Josɛf pal kaman n sa bumo n shu ga. Kumo be kaman nɛ e naŋ kilgi m malga bumo kutɔ. E daŋ shin nna nɛ b lara Simiɔn ŋ kre mo bumo kikɛ be anishito.

Jɛnesis 42:28

Nɛ e kaŋɛ mo niopibiana na: “B bɛta ma amansherbi nna n wɔtɔ ma bɔtɛ to. Keni, amo e wɔ kumo to na.” Ndoŋ nna nɛ bumo be ŋgbene jija bumo nɛ b kilgi ŋ keni ŋ keni abar a chicha nseŋ bishi abar le: “Manɛ be kesheŋ nɛ Ebɔrɛ wora anyi loŋ?”

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

Jɛnesis 43:22

Amo alɛ be buushi, an naŋ bar amansherbi ko nɛ an naŋ ba tɔ ajibi. Ama hale mbre anyi maŋ nyi esa nɛ e ta amansherbi na n wɔtɔ anyi be ebɔtɛ na to.”

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

Ɛzra 4:17

Ndoŋ nna nɛ ewura na malɛ ta ebɔl ere n shoŋi bumo. E yɛ: “Ebɔl ere shi ma, ewurgboŋ Atazɛzɛs, kutɔ nna a yɔ Rehum, nɛ e la gomena nɛ Shimshayi, nɛ mo alɛ la efuli na so be esibɛpo na nɛ bumo braana nɛ b wɔ Samɛria nɛ Yufreetes be epeŋitɔrkpa be kasawule so na kikɛ kutɔ. Ma kechɔrɔ nde!”

Luuk 10:5

Laŋ kama to nɛ men ya kaa luri, men kaŋɛ le pɔɛŋ: ‘Kagbenewushi e baa wɔ laŋ ere to ebi so.’ Nɛ kagbenewushi shapowura kama wɔ ndoŋ, men be kagbenewushi be kechɔrɔ na beeŋ baa wɔ mo so.

Luuk 24:36

B kraa kute asheŋ ere nna nɛ Yesu gbagba ba yili bumo kikɛ to.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 20:19

Alediachɛ na be kaaseso nɛ bebɛsopo na kikɛ shɛr kaboŋ koŋwule nseŋ ti mbuna ŋkpal b ka daa ŋana Juwebi be benimuana na so so, nɛ Yesu ba yili bumo to nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Baru lela nɛ Jɔn kute na 20:26

Kumo be bɔkwe be kaman nɛ mbe bebɛsopo na naŋ shɛr a wɔ ebu to nɛ Tɔmas gba wɔ bumo to kamɔnchɛ. B daŋ ber mbuna na kikɛ so nna, ama Yesu daŋ ba yili bumo to nna nseŋ kaŋɛ bumo le: “Kagbenewushi e baa wɔ menyi to.”

Demujipoana 19:20

Nɛ kanyɛnnimubi na malɛ kaŋɛ le: “Men bela a ba ma laŋ to. Meeŋ keni menyi so. A maŋ daga fanɛ men dese kelɔnɛ so nfe ŋklade.”

Demujipoana 6:23

Ama le nɛ Enyɛnpe Ebɔrɛ na kaŋɛ mo: “Shin nɛ fo kagbene e dese fo! Sa maa lɔ kufu. Fo maaŋ wu.”

1 Samuɛl 25:6

Le be kubɔya nɛ e daŋ ta n shuŋi bumo Nabaal kutɔ. E yɛ: “Fo teri Deevid e naa chɔrɔ fo na, nsaa bishi fo nɛ fo kanaŋ nɛ kusɔ kama nɛ fo kɔ be alenfia be asheŋ.