Jɛnesis 43:21 - EBƆRƐ BE KAWƆL

²¹ Ama an ka bɛta a yɔ epe nseŋ ya suge ekpa to n di ŋklade nɛ an bugi m bugi anyi be ebɔtɛ n wu fanɛ ekama be amansherbi deŋ mbe bɔtɛ be kɔnɔ so nna pɔɛŋ nɛ b baa kumo so. Ekama be kemansherbi daa maŋ duga so, a daŋ baa la dede nna a du kananɛ a du. Amoso an naŋ bɛta amo m ba.

Jɛnesis 43:21 ပူးပေါင်းရင်းမြစ်များ

Jɛnesis 43:12

Kumo be kaman, men ta amansherbi ko n naŋ ti amo nɛ men daŋ wu men be ebɔtɛ to na so n yɔ, ŋkpal manɛ so, shere b wora nna n foe.

Jɛnesis 43:15

Mbe kamalga na be kaman nɛ mbe mbia na ta ŋkɛana na nɛ amansherbi fanɛ kananɛ b daŋ ta dra na n ti adra nɛ b daŋ bɛta m ba so nseŋ ta Bɛnjamin n ti so n nya manaŋ n yɔ Ijipt n ya ta bumo be amu m bɔɔ Josɛf enɔ.

Jɛnesis 43:20

“Ebunyampo, an daŋ keba nfe nna m ba tɔ ajibi.

Jɛnesis 43:22

Amo alɛ be buushi, an naŋ bar amansherbi ko nɛ an naŋ ba tɔ ajibi. Ama hale mbre anyi maŋ nyi esa nɛ e ta amansherbi na n wɔtɔ anyi be ebɔtɛ na to.”

Jɛnesis 44:8

An ka daŋ ya wu amansherbi anyi be ebɔtɛ be nnɔ to gba an daŋ shi Keenan m bɛta amo m ba. Nɛ manɛ so nɛ anyee yuri fo nyɛnpe be gbiti ŋko mbe shuwa ashi mo pe?

Romebi 12:17

Men sa maa bɛta kulubi a ka kulubi be kukɔ. Men baa wora ania a sha basa kikɛ nsaa wora bumo kelela.

Romebi 13:8

Men sa maŋ ji esa kikɛ be kukɔ she abar be kasha nawule be kukɔ, ŋkpal manɛ so, esa kama nɛ e bee sha mo barkasa dimɛdi bɛ mbra na so n loge.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.