Jɛnesis 43:18 - EBƆRƐ BE KAWƆL

¹⁸ B ka fo Josɛf pe na, kufu daŋ pɛ bumo nna, ŋkpal manɛ so, b daa fɛ nna fanɛ amansherbi nɛ b daŋ bɛta n wɔtɔ bumo be ebɔtɛ to saŋɛ nɛ b fara m ba ndoŋ na so nɛ b bar bumo laŋ na to. B daa fɛ fanɛ e beeŋ pɛ bumo ŋ ki mbe anya nseŋ suge bumo be ekurma nna.

Jɛnesis 43:18 ပူးပေါင်းရင်းမြစ်များ

Jɛnesis 42:21

nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Jɛnesis 42:27

B ka ya fo kakpa nɛ baaŋ suge n di ŋklade na nɛ bumo be eko bugi mbe bɔtɛ nɛ e jɔ ajibi n sa mbe kurma nseŋ wu mbe amansherbi ashi mbe bɔtɛ be kɔnɔ to.

Jɛnesis 42:28

Nɛ e kaŋɛ mo niopibiana na: “B bɛta ma amansherbi nna n wɔtɔ ma bɔtɛ to. Keni, amo e wɔ kumo to na.” Ndoŋ nna nɛ bumo be ŋgbene jija bumo nɛ b kilgi ŋ keni ŋ keni abar a chicha nseŋ bishi abar le: “Manɛ be kesheŋ nɛ Ebɔrɛ wora anyi loŋ?”

Jɛnesis 42:35

B ka ya kaa chulgi ayu na ashi bumo be ebɔtɛana na to nɛ ekama wu mbe amansherbi ka wɔ amo be lɔkɔ to ashi mbe bɔtɛ to! Bumo nɛ bumo tuto ka wu bumo be amansherbiana na nɛ kufu pɛ bumo ga.

Jɛnesis 43:17

Ndoŋ nna nɛ nyɛrbi be enimu na keta bumo n yɔ Josɛf pe fanɛ kananɛ e kaŋɛ mo na.

Jɛnesis 43:19

Ŋkpal le be nfɛra ere so, b ka fo Josɛf be laŋ to nɛ b kaŋɛ mbe nyɛrbi be enimu na le:

Jɛnesis 44:8

An ka daŋ ya wu amansherbi anyi be ebɔtɛ be nnɔ to gba an daŋ shi Keenan m bɛta amo m ba. Nɛ manɛ so nɛ anyee yuri fo nyɛnpe be gbiti ŋko mbe shuwa ashi mo pe?

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Job be kawɔl 30:14

Baa shi kaba kama so nna m ba kaa mel ma so, nsaa biti ma so jemanɛ nɛ n tɔr a dese na.

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Nshɛ 73:16

Kedaa du kpakpa n sa ma nɛ n tiŋ m pin asheŋ ere kikɛ to.

Aizaaya 7:2

Juda be ewura ka daŋ nu fanɛ Siriya be efuli so be benapo ba ti Israɛl be benapo so, nɛ kufu pɛ ewura Ahaz nɛ mbe basa kikɛ ga nɛ baa chicha fanɛ afu ka bee ber ndibi so na.

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Maak 6:16

Hɛrɔd ka nu kumo nɛ e kaŋɛ: “Jɔn kabɔrɛbɛrpo nɛ n shin nɛ b ku mbe kumu na e naŋ tiŋi luwu to na.”

Romebi 7:8

Ntaŋ malɛ so nɛ alubi nya ekpa n shin nɛ ayɛlgasɔ be yiri kikɛ nyam kaa, ŋkpal manɛ so, kakpa nɛ mbra maŋ wɔtɔ alubi malɛ gba wu nna a dese.

Ditɛronɔmi 22:14

ŋkpal loŋ so ŋ ku efɛ n deŋi eche fanɛ e ka ta mo na e maŋ tu mo nɛ tumba.

Ditɛronɔmi 22:17

nseŋ ku efɛ n deŋi mo a kaŋɛ fanɛ e maŋ kɔ tumba. Ama kusɔ nɛ k bee ŋini fanɛ eche na daa kɔ tumba nde. Men keni ŋklaŋ nɛ a daŋ gbiti wajɛchɛbi nɛ b daŋ dese so bumo be kejafɔ achɛ na!”

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”

Demujipoana 14:4

Samsɔn mo nio nɛ mo tuto bre daa maŋ nyi fanɛ Enyɛnpe Ebɔrɛ na e daa fin ekpa nɛ e kɔ n suge Israɛl be basa ashi Filistiebi nɛ b daa ji Israɛl so kuwura loŋ be jemanɛ na be enɔ to. Amoso nɛ e shin nɛ Samsɔn be kagbene pɛ eche na na.