Jɛnesis 43:14 - EBƆRƐ BE KAWƆL

¹⁴ Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

Jɛnesis 43:14 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

Jɛnesis 42:24

B kaa bee malga na nɛ Josɛf pal kaman n sa bumo n shu ga. Kumo be kaman nɛ e naŋ kilgi m malga bumo kutɔ. E daŋ shin nna nɛ b lara Simiɔn ŋ kre mo bumo kikɛ be anishito.

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 43:13

Men ta men sipo gba n ti so n yɔ naniere.

Jɛnesis 44:12

Nɛ Josɛf be kayɛrbi na fara a keni bumo be asɔ na to. Bumo kikɛ be enimuso peya to nɛ e fara ŋ keni kebɛso, kebɛso loŋ n ya fo bumo kikɛ to be kebia peya. E keni to loŋ n ya wu gbiti be kusɔnuunchu na Bɛnjamin be bɔtɛ to.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 106:46

E daŋ shin nɛ bumo doŋana shu bumo so nna.

Nshɛ 119:41

Enyɛnpe Ebɔrɛ, ŋini ma fo kasha nseŋ mɔlga ma, fanɛ kananɛ fo nase kɔnɔ na;

Nshɛ 85:7

O Enyɛnpe Ebɔrɛ, ŋini anyi fo kasha nɛ k maŋ kɔ ekar na, nseŋ kumɔlga anyi.

Aŋasa 1:1

Israɛl be ewura Sɔlɔmɔn nɛ e la Deevid pibinyɛn na be aŋasa nde.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Baru lela nɛ Jɔn kute na 19:22

Nɛ Pailat kaŋɛ bumo: “Kusɔ nɛ n shin nɛ b sibɛ nɛ b sibɛ na.”

Ashuŋ Shunso 21:14

An daa maŋ tiŋ n shin nɛ e chɛrga mbe nfɛra, amoso, an daŋ yige mo nna nseŋ kaŋɛ: “Kusɔ kama nɛ Enyɛnpe yili e wora loŋ.”

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

Taites 1:4

Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.

2 Jɔn 1:3

Ebɔrɛ Etuto na nɛ Yesu Kristo nɛ e la Etuto na Pibinyɛn na sa anyi kuwɔr be kakɛ nɛ kuwɔr nɛ kagbenewushi n shin nɛ an nya kashenteŋ be kasha.