Jɛnesis 43:12 - EBƆRƐ BE KAWƆL

¹² Kumo be kaman, men ta amansherbi ko n naŋ ti amo nɛ men daŋ wu men be ebɔtɛ to na so n yɔ, ŋkpal manɛ so, shere b wora nna n foe.

Jɛnesis 43:12 ပူးပေါင်းရင်းမြစ်များ

Jɛnesis 42:25

Kumo be kaman nɛ Josɛf shin nɛ b jɔ ayu m bɔlɔ m bɔla bumo be ebɔtɛ na nseŋ shin nɛ b ta ekama be amansherbi m bɛta n wɔtɔ mbe bɔtɛ to nseŋ shin nɛ b sa bumo ekpa to be kusɔ jiso n ti so. B ka wora asheŋ ere kikɛ n sa bumo n loge na

Jɛnesis 42:35

B ka ya kaa chulgi ayu na ashi bumo be ebɔtɛana na to nɛ ekama wu mbe amansherbi ka wɔ amo be lɔkɔ to ashi mbe bɔtɛ to! Bumo nɛ bumo tuto ka wu bumo be amansherbiana na nɛ kufu pɛ bumo ga.

Jɛnesis 43:13

Men ta men sipo gba n ti so n yɔ naniere.

Jɛnesis 43:21

Ama an ka bɛta a yɔ epe nseŋ ya suge ekpa to n di ŋklade nɛ an bugi m bugi anyi be ebɔtɛ n wu fanɛ ekama be amansherbi deŋ mbe bɔtɛ be kɔnɔ so nna pɔɛŋ nɛ b baa kumo so. Ekama be kemansherbi daa maŋ duga so, a daŋ baa la dede nna a du kananɛ a du. Amoso an naŋ bɛta amo m ba.

Jɛnesis 43:22

Amo alɛ be buushi, an naŋ bar amansherbi ko nɛ an naŋ ba tɔ ajibi. Ama hale mbre anyi maŋ nyi esa nɛ e ta amansherbi na n wɔtɔ anyi be ebɔtɛ na to.”

Romebi 12:17

Men sa maa bɛta kulubi a ka kulubi be kukɔ. Men baa wora ania a sha basa kikɛ nsaa wora bumo kelela.

Romebi 13:8

Men sa maŋ ji esa kikɛ be kukɔ she abar be kasha nawule be kukɔ, ŋkpal manɛ so, esa kama nɛ e bee sha mo barkasa dimɛdi bɛ mbra na so n loge.

2 Kɔrintebi 8:21

Ŋkpal manɛ so, mannɛ kusɔ nɛ k kɔ kemaŋkura ashi Ebɔrɛ be anishito nawule nɛ anyi be anishi yuu so, kusɔ nɛ k kɔ kemaŋkura dimɛdi be anishito gba nɛ anyee fin.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Tɛsalɔnikaebi 5:21

Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.