Jɛnesis 43:11 - EBƆRƐ BE KAWƆL

¹¹ Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

Jɛnesis 43:11 ပူးပေါင်းရင်းမြစ်များ

Jɛnesis 33:10

Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

Jɛnesis 43:10

Keni, nɛ an daa maŋ jija saŋɛ nna m ba fo mbre, n dafanɛ an yɔ ndoŋ m bɛta m ba ale anyɔ gba.”

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

Jɛnesis 43:15

Mbe kamalga na be kaman nɛ mbe mbia na ta ŋkɛana na nɛ amansherbi fanɛ kananɛ b daŋ ta dra na n ti adra nɛ b daŋ bɛta m ba so nseŋ ta Bɛnjamin n ti so n nya manaŋ n yɔ Ijipt n ya ta bumo be amu m bɔɔ Josɛf enɔ.

Jɛnesis 43:25

Kumo be kaman nɛ Jeekɔb be mbia na lara bumo be ŋkɛ mo nɛ b bar Josɛf na n yili a jo mo, ŋkpal manɛ so, b daŋ nu fanɛ bumo nɛ mo e naa shin nɛ b ji kapaso be ajibi kamɔnchɛ na.

Jɛnesis 43:26

Josɛf ka ba epe nɛ b jɔŋɛ mo ase bunyanso nseŋ ta bumo be ŋkɛ nɛ b bar mo na n sa mo.

1 Bewura 10:15

Eyawujipo nɛ benitepo be kusɔ nɛ baa sa mo bre maŋ ti so. Areebia be efuli so be bewura nɛ Israɛl be efuli so be abonfu be gomena be benimu gba daŋ ba sa mo shuwa nna.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Bewura 15:19

“Shin nɛ anyi nɛ fo e wora kɔnɔkoŋwule fanɛ kananɛ an tutoana daŋ wora na. Gbiti nɛ shuwa ere bre la fo kakɛ nna. A daga fanɛ fo ku fo nɛ Israɛl be ewura Baasha be kɔnɔkoŋwule nɛ men kɔ na to, nɛ kumo be loŋ e shin nɛ e lara mbe benapo ashi ma kasawule so.”

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

2 Bewura 16:8

Amoso ewura Ahaz daŋ ta asɔ ko nna ashi bɔrɛlambu na to nɛ ewura be laŋ to nɛ bejuŋkparpoana na pe n ya sa Asiriya be ewura na.

2 Bewura 20:12

Merodak Baladan nɛ e la Baladan pibinyɛn nseŋ daa la efuli nɛ baa tre Babilɔn na be ewura ka daŋ nu fanɛ ewura Hɛzekaya daŋ lɔ nseŋ nya alenfia nɛ e shuŋi mbɔ nɛ b ta kawɔl nɛ kakɛ n ya sa mo.

2 Bewura 8:8

nɛ e kaŋɛ kanyɛn ko nɛ baa tre Haziɛl nɛ e la mbe benimuana na be eko na le: “Ta kakɛ n ya sa anebi na ŋ kule mo fanɛ e bishi Enyɛnpe Ebɔrɛ ŋ keni meeŋ nya alenfia a?”

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Nshɛ 68:29

Nɛ bewura e ta ŋkɛ m ba fo bɔrɛlambu to ashi Jerusalɛm.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Aŋasa 17:18

Esa nɛ e maŋ kɔ lakal e naa sɔ mo barkasa be kukɔ a sulɔ mbe kumu.

Aŋasa 18:16

Kakɛ bee bugi ekpa nna a sa esa, nɛ e bee tiŋ a yɔ basagboŋ kutɔ.

Aŋasa 19:6

Ekama beeŋ ba sha keji esagboŋ, ŋko esa nɛ e beeŋ tiŋ n chɛ mo to keteri.

Aŋasa 21:14

Ashiri to be kakɛ beeŋ tiŋ n lɔŋɛ fo nɛ esa nɛ e nya agbo n wɔtɔ fo be kefɛato.

Sɔlɔmɔn 4:10

N jipo nɛ ma kejafɔ, fo kasha bee bɔlɔ ma kenishi ga. Fo kasha bɔ nsa, nɛ fo etulale be efɛa chɔ asɔ dufɛso kama.

Sɔlɔmɔn 4:14

nɛ amo nɛ baa tre safrɔn nɛ kalamus nɛ sinamɔn na, nɛ ndibi nɛ baa ta a wora duwu be yiri yiri fanɛ mir nɛ alowe nɛ asɔ nɛ a kɔ efɛa belbelso be yiri kikɛ na.

Sɔlɔmɔn 8:14

N jipo lela shile manaŋ fanɛ chibir ka shi kebeegboŋ nɛ ndibi nɛ amo be efɛa wɔ ebel yil so na, m ba ma kutɔ.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Ezikɛl 27:15

Roodis be efuli so be basa gba daŋ tu fo n ji yawu nɛ basa nɛ b chena teku be ekarso be efuli damtaana ta ejebotenyi nɛ ndibi lembir lela ga n chɛr fo asɔ.

Ezikɛl 27:17

Juda nɛ Israɛl be basa gba daŋ ta ayu nɛ mushoŋ nɛ ɔlif be ŋku nɛ eposɔ ŋ ka fo asɔ faso be kukɔ.

Ezikɛl 27:22

Nɛ Shiba nɛ Raama be eyawujipo gba ta yawu kpakpaso be ajembu nɛ baa ta a wora abitasɔ nɛ shuwa nɛ asɔ dufɛso lela ga m ba tu fo n ji yawu.

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Ashuŋ Shunso 21:14

An daa maŋ tiŋ n shin nɛ e chɛrga mbe nfɛra, amoso, an daŋ yige mo nna nseŋ kaŋɛ: “Kusɔ kama nɛ Enyɛnpe yili e wora loŋ.”

Ditɛronɔmi 33:14

Ebɔrɛ e nɛfa kasawule na nɛ k baa wora asɔrso nɛ epeŋi beeŋ ŋmɛa so nɛ a bel m pere nɛnɛ. E shin nɛ asɔrso na e baa wora nɛnɛ jemanɛ nɛ k daga.

1 Samuɛl 25:27

Amoso n nyɛnpe, sɔ ma kakɛ ere n sa fo basa na.

1 Samuɛl 9:7

Nɛ Sɔɔl bishi mo le: “An kaŋ yɔ mo kutɔ, manɛ bre nɛ anyeeŋ sa mo? Anyi be ajibi nɛ a wɔ anyi be ebɔtɛ to na kikɛ loge, anyi alɛ maŋ naa kɔ shɛŋ nɛ an ya sa mo; ŋko an kɔ kusɔ ko?”