Jɛnesis 43:1 - EBƆRƐ BE KAWƆL

¹ Le be jemanɛ ere kikɛ nɛ akoŋ na kraa ti so nna ashi Keenan be kasawule na kikɛ so.

Jɛnesis 43:1 ပူးပေါင်းရင်းမြစ်များ

Jɛnesis 12:10

Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 18:13

Ndoŋ nna nɛ Enyɛnpe na bishi Eebraham le: “Manɛ nna nɛ Sɛɛra mushe nseŋ kaŋɛ mbe kumu fanɛ e maaŋ naŋ tiŋ n nya ebi saŋɛ nɛ e bel ere?

Jɛnesis 26:1

Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.

Jɛnesis 42:5

Amoso Jeekɔb be bibinyɛnana na daŋ tu basa nɛ b daŋ yɔ Ijipt nɛ b ya tɔ ajibi na nna n yɔ, ŋkpal manɛ so, akoŋ na daa wɔ Keenan gba be kasawule so nna.

Jɛnesis 43:2

Saŋɛ na so nɛ Jeekɔb nɛ mbe basa malɛ ji bumo be ajibi nɛ b daŋ ya tɔ Ijipt na n loge nɛ mbia na bumo tuto Jeekɔb kaŋɛ bumo: “Men naŋ bɛta n yɔ Ijipt n naŋ ya tɔ ajibi gbrɛbi m ba.”

Jɛnesis 47:4

An ba nfe nna nɛ an ba kaa wɔ nfe n ya fo saŋko. Ŋkpal akoŋ ka wɔ Keenan ga so fo anya be asɔbɔya maŋ naa nya afitiri ndoŋ a ji. Amoso, jande, shin nɛ anyi, fo anya e baa wɔ Goshen kaba so.”

Nfabel 5:10

Akoŋ shin nɛ anyee lɔ hale a chicha, nɛ anyi be eyurana bel edɛ fanɛ asure to.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.