5 Amoso Jeekɔb be bibinyɛnana na daŋ tu basa nɛ b daŋ yɔ Ijipt nɛ b ya tɔ ajibi na nna n yɔ, ŋkpal manɛ so, akoŋ na daa wɔ Keenan gba be kasawule so nna.
Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.
Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.
nɛ nfɛnshunu be akoŋ be jemanɛ na malɛ ba fara fanɛ kananɛ Josɛf daŋ kaŋɛ na. Efuli kama so akoŋ na daŋ tɔr nna, ama Ijipt bre be kasawule so kikɛ ajibi daa wɔtɔ nna.
Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”
Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.