Jɛnesis 42:38 - EBƆRƐ BE KAWƆL

³⁸ Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

Jɛnesis 42:38 ပူးပေါင်းရင်းမြစ်များ

Jɛnesis 37:33

Ndoŋ nna nɛ e pin kumo nseŋ kaŋɛ: “Ma kebia be piŋi nna. Kupuŋ to be kusɔbɔya lubi ko e pɛ mo na. K maŋ naa kɔ emɔrɔ fanɛ kusɔbɔya ko e kpɛa mo to n we.”

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

Jɛnesis 37:35

Mbe bibinyɛn nɛ bibiche kikɛ daŋ wushi mo kagbene ŋ gben nɛ e yɛ: “Ayai, m maaŋ tiŋ n yige. Ma nɛ kushu ere e naaŋ yɔ ma nchaŋ to, kakpa nɛ ma kebia na wɔ na.” Kashenteŋto, e daŋ shu ga ŋkpal Josɛf so.

Jɛnesis 42:13

Ndoŋ nna nɛ b kaŋɛ mo: “Anyi, fo anya daa la enyɛn koŋwule be bibinyɛn kuduanyɔ nna. Ekoŋwule maŋ naa wɔtɔ nɛ kaluge na malɛ wɔ an tuto kutɔ.”

Jɛnesis 42:37

Ndoŋ nna nɛ Ruben kaŋɛ mo tuto le: “Ta Bɛnjamin m bɔɔ ma enɔ, meeŋ ya bɛta mo m ba. Nɛ m maŋ ya bɛta mo m bar fo, fo mɔ ma bibinyɛn anyɔ.”

Jɛnesis 42:4

Ama Jeekɔb daa maŋ shin nɛ Josɛf mo sipo Bɛnjamin bre tu bumo n yɔ, ŋkpal e kaa daa lɔ kufu fanɛ Bɛnjamin beeŋ ya ji awurfoŋ so.

Jɛnesis 43:13

Men ta men sipo gba n ti so n yɔ naniere.

Jɛnesis 44:20

Nɛ an shuli ŋ kaŋɛ fo: ‘An kɔ etuto nɛ e bel a kɔ kebinyɛnsobi nɛ e kurge mbe mbel to. Kebia na mo da wu nɛ e ki mo nawule ashi mo nio be mbia to nɛ mo tuto bee sha mo ga.’

Jɛnesis 44:22

Fo ka kaŋɛ loŋ na nɛ an kaŋɛ fo, n nyɛnpe fanɛ: ‘Kebia na maaŋ tiŋ n yige mo tuto, ŋkpal manɛ so, e yige mo, etuto na beeŋ wu!’

1 Bewura 2:6

Kanaŋkama nɛ feeŋ wora n lara mbe efute manaŋ, fo wora loŋ. Sa maŋ shin nɛ e bel n fuli kumu n wu.

Job be kawɔl 41:32

Nɛ kumo be kubɔr e baa nyɛkpɛ a bɛ kumo so nɛ teku be nchu na e ka kupɔpɔ.

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Aizaaya 38:10

Le nɛ n daa fɛ ashi ma kagbene to; jemanɛ nɛ ma kebaawɔtɔ daa yil to nɛnɛ na, nɛ n daa shin nɛ n wu n yɔ bubuni to; saŋɛ na so m maaŋ naa wɔ ŋkpa to.

Aizaaya 46:4

Ma e la menyi be Ebɔrɛ nsaa beeŋ keni menyi so n ya fo fanɛ menyi ka beeŋ ya bel n fuli amu. Ma e to menyi nsaa keni menyi so; meeŋ chɛ menyi to nseŋ kuŋ menyi nɛ shɛŋ shɛŋ maaŋ wora menyi.”