Jɛnesis 42:28 - EBƆRƐ BE KAWƆL

²⁸ Nɛ e kaŋɛ mo niopibiana na: “B bɛta ma amansherbi nna n wɔtɔ ma bɔtɛ to. Keni, amo e wɔ kumo to na.” Ndoŋ nna nɛ bumo be ŋgbene jija bumo nɛ b kilgi ŋ keni ŋ keni abar a chicha nseŋ bishi abar le: “Manɛ be kesheŋ nɛ Ebɔrɛ wora anyi loŋ?”

Jɛnesis 42:28 ပူးပေါင်းရင်းမြစ်များ

Jɛnesis 27:33

Nɛ Aizek be eyur kikɛ chicha mo nɛ e bishi: “To, nɛ wanɛ malɛ e ya ji kekpaŋ n daŋɛ m bar ma na? M baŋ ji kumo nna pɔɛŋ nɛ fo ba na. Ma alɛ teŋ nɛfa amodoŋwura. Kashenteŋto malɛ, m maaŋ naŋ tiŋ n laŋɛ nɛfa na.”

Jɛnesis 42:29

B ka ba bumo tuto Jeekɔb nɛ e daa wɔ Keenan na kutɔ nɛ b kaŋɛ mo asheŋ nɛ a daŋ ya tu bumo na kikɛ nyam.

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 43:23

Ndoŋ nna nɛ Josɛf be kayɛrbi nimuso na kaŋɛ bumo: “Men sa maŋ shin nɛ k tir menyi ŋko n shin nɛ kufu e baa kɔ menyi. N nyiŋi ŋ ka daŋ sɔ men be amansherbi na, amoso shere Ebɔrɛ nɛ menyi nɛ men tuto bee shuŋ na e ta loŋ be amansherbi na n wɔtɔ menyi be ebɔtɛ to na.” Kumo be kaman nɛ e ya bar Simiɔn bumo kutɔ.

1 Bewura 10:5

E ka wu ajibi nɛ b chige n yili ewura Sɔlɔmɔn be teebɔl so na, nɛ ebuana nɛ mbe benimuana wɔtɔ na, nɛ kananɛ ewura be laŋ na to be beshumpo be asheŋ bee bɛ abar so nɛnɛ na, nɛ epiŋi nɛ nyɛrbi nɛ baa chige ajibi bee buu na, nɛ k chinchiŋ mo alegaiso.

Nshɛ 61:2

Ma tama kikɛ loge nɛ n wɔ efuli wɔfɔ so a shu a tre fo. Juŋkpar ma n yɔ kefalta gboŋ nɛ k du jeŋgreŋ a chɔ ma na so.

Sɔlɔmɔn 5:6

Ŋ ka bugi kukuloŋ na nɛ n jipo maŋ naa wɔtɔ; e tiŋ n yɔ, nɛ k tɔrɔ ma ga. Nɛ ŋ keni a fin mo, ama m maŋ wu mo. Nɛ n tre mo ama m maŋ nu mbe ebɔl.

Aizaaya 45:7

Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Luuk 21:26

Kufu beeŋ pɛ basa, hale nɛ b ya kaa chɛl ŋkpal emamachisheŋ nɛ baaŋ wu a ka beeŋ wora durnya ere to so, ŋkpal manɛ so, ebɔrɛso be eleŋana kikɛ beeŋ wea abarto.

Ditɛronɔmi 28:65

Menyi alɛ maaŋ nya kayurwushi kaplɛkama. Menyeeŋ baa yɛlga epe, ama menyi alɛ maaŋ tiŋ m bɛta n yɔ.