Jɛnesis 42:22 - EBƆRƐ BE KAWƆL

²² Nɛ Ruben bishi bumo: “N daa maŋ kaŋɛ menyi fanɛ men sa maŋ wora kebinyɛnbi na shɛŋ nɛ men kini kenu n sa ma? To, naniere kusɔ nɛ an wora mo na be kuwule e naa bishi anyi na.”

Jɛnesis 42:22 ပူးပေါင်းရင်းမြစ်များ

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Jɛnesis 42:23

B daa maŋ nyi fanɛ Josɛf daa nu bumo be mmalga na, ŋkpal manɛ so, esa ko e daa sɔ mo so a kilgi mmalga na a sa bumo.

Jɛnesis 45:3

Kusɔ nɛ Josɛf daŋ kaŋɛ bumo e daa la: “Ma Josɛf nna na. N tuto kraa wɔtɔ a?” Ama mo daana na daa maŋ tiŋ nɛ b sa mo mbe mmalga na be atuwebi, ŋkpal manɛ so kufu daŋ pɛ bumo nna ga ashi mbe anishito.

Jɛnesis 50:15

Jeekɔb be luwu na be kaman nɛ Josɛf mo daana na kaŋɛ abar le: “Shere an tuto ka wu ere, Josɛf beeŋ kishi anyi nseŋ wora anyi n tal alubi nɛ an daŋ wora mo na kikɛ nyam to.”

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

1 Bewura 2:33

Jɔab nɛ mbe kaman to ebi beeŋ nya kasogberge mbaanaayɔ ŋkpal kusɔ nɛ e wora ere so. Ama ewura Deevid nɛ mbe kaman to ebi bre, Enyɛnpe Ebɔrɛ beeŋ shin nɛ b baa ji kuwura kayurwushiso.”

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Ezikɛl 3:18

Nɛ m baŋ kaŋɛ kumu kpakpasowura fanɛ e beeŋ wu ŋkpal mbe be alubi so, nɛ fo maaŋ fɛa mo so ŋko ji mo asoe to nɛ e lar asheŋ lubi na to m mɔlga mbe kumu, e beeŋ wu ŋkpal mbe alubi so, ama mbe luwu na be turju beeŋ baa bɛ fo.

Luuk 23:41

Anyi ere be alubi be tɔnɔ nɛ anyee ji na, ama kanyɛn ere bre maŋ wora shɛŋ.”

Ashuŋ Shunso 28:4

Kepla na so be basa na ka wu kuwɔ na ka chul Pɔɔl be enɔ so nɛ b kaŋɛ abar: “Kanyɛn ere la emɔpo nna, k maŋ kɔ emɔrɔ. E tiŋ n lar nchu na to nɛ alenfia, ama kashenteŋ be ekpa so be ebɔrɛ na maaŋ yige mo nɛ e baa kraa wɔtɔ.”

Romebi 2:15

Bumo be asheŋ woraso na e naa ŋini fanɛ Ebɔrɛ ta asɔ nɛ mbra na bee ŋini na n wɔtɔ bumo be ŋgbene to. Nɛ bumo be elakal gba bee ŋini fanɛ kashenteŋ nna, ŋkpal manɛ so, saŋko bumo be nfɛra maa dese bumo ŋkpal alubi so, saŋko malɛ nɛ a bee yili bumo be kaman.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

1 Samuɛl 19:4

Ndoŋ nna nɛ Jonatan yɔ mo tuto Sɔɔl kutɔ n ya kpaŋ Deevid ŋ kaŋɛ le: “Jande, sa maŋ kaŋ wora fo kenya Deevid kulubi kikɛ, ŋkpal manɛ so, e maŋ naŋ wora fo kulubi kikɛ. Mo alɛ be kusɔ kama nɛ e wora n sa fo kikɛ la kechɛto nna.