Jɛnesis 42:21 - EBƆRƐ BE KAWƆL

²¹ nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Jɛnesis 42:21 ပူးပေါင်းရင်းမြစ်များ

Jɛnesis 41:9

Kede be kaman nɛ Fɛɛro be asɔnuuso kenipo nimuso na kaŋɛ mo le: “Kabre nɛ n nyiŋi ŋ ka wora kusɔ ko n da so.

Jɛnesis 44:16

Ndoŋ nna nɛ Juda kaŋɛ: “To, naniere, manɛ nɛ an naa kɔ nɛ an kaŋɛ fo, an nyɛnpe? Manɛ nɛ anyeeŋ naŋ tiŋ ŋ kaŋɛ ŋko manɛ nɛ anyeeŋ naŋ tiŋ n wora ŋ ŋini fanɛ anyi maŋ tɔr kapɔŋ? Ebɔrɛ shin nɛ fo anya be alubi di efuli, amoso naniere an ki fo anya, anyi nɛ emo nɛ b wu kusɔnuunchu na mbe kusɔ to na kikɛ.”

Jɛnesis 45:3

Kusɔ nɛ Josɛf daŋ kaŋɛ bumo e daa la: “Ma Josɛf nna na. N tuto kraa wɔtɔ a?” Ama mo daana na daa maŋ tiŋ nɛ b sa mo mbe mmalga na be atuwebi, ŋkpal manɛ so kufu daŋ pɛ bumo nna ga ashi mbe anishito.

Jɛnesis 50:15

Jeekɔb be luwu na be kaman nɛ Josɛf mo daana na kaŋɛ abar le: “Shere an tuto ka wu ere, Josɛf beeŋ kishi anyi nseŋ wora anyi n tal alubi nɛ an daŋ wora mo na kikɛ nyam to.”

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 4:18

Menyi Juda be basa be kebaawɔtɔ nɛ men wɔ kumo to na e bar le menyi so na. Menyi be asheŋ lubi e shin nɛ menyee ji awurfoŋ na nɛ k wora fanɛ b ka ta kasaŋɛ n da menyi be ŋgbene to na.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Maak 9:48

Ndoŋ basa be ashushombi maa wu kikɛ nɛ edɛ na malɛ maa duŋ kikɛ.”

Luuk 16:28

n ya fiɛ n sipoana so nɛ b sa maŋ ba ebesa be kakpa ere. Ŋkpal manɛ so, besipo anu nɛ ŋ kɔ.’

Ashuŋ Shunso 19:18

Nɛ beyirdapoana na be bedamta ba basa to m ba kaa bugi bumo gbagba be afito a kaŋɛ alubi nɛ b wora.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.