Jɛnesis 42:20 - EBƆRƐ BE KAWƆL

²⁰ Ama men keta men sipobi na m bar ma nfe nɛ n yili men gbagba be mmalga so m pin fanɛ kashenteŋ nɛ menyee ji, saŋɛ na so, men maaŋ wu.” Ndoŋ nna nɛ b shuli fanɛ baaŋ wora loŋ

Jɛnesis 42:20 ပူးပေါင်းရင်းမြစ်များ

Jɛnesis 42:15

Kananɛ anyi alɛ beeŋ wora m pin fanɛ kashenteŋ nɛ menyee ji nde: M bɔ ewura Fɛɛro be kuwurputi nɛ e tase so ere fanɛ men maaŋ lar nfe ama men be kaluge na baŋ ba nfe nna pɔɛŋ.

Jɛnesis 42:19

Nɛ men baa la beshenteŋjipo bre men shin nɛ menyi to be ekoŋwule e shir a wɔ kabuti ere to nfe nɛ bumo nɛ b ka na e ta ajibi m bɛta n ya sa men be kowu to ebi nɛ akoŋ bee mɔ na.

Jɛnesis 42:26

nɛ b ta bumo be ayu na ŋ kre n deŋi n deŋi bumo be ekurma so m pɛ ekpa n choŋ.

Jɛnesis 42:33

Ndoŋ nna nɛ kanyɛn nɛ e la efuli na so be gomena na kaŋɛ anyi le: ‘Kananɛ meeŋ wora m pin fanɛ men la beshenteŋjipo nde: Men yige men niopibi ko ŋ kutɔ nfe nseŋ ta ajibi n ya sa men be basa nɛ b wɔ epe nɛ akoŋ kɔ bumo a mɔ na.

Jɛnesis 42:34

Ama men keta men be kaluge na m ba ŋini ma, saŋɛ na so meeŋ pin men ka la beshenteŋjipo ŋkaa maŋ la bedarapo. Aloŋ nɛ meeŋ bɛta men niopibi ere n sa menyi nɛ men tiŋ n nya ekpa a ji yawu kasawule ere so.’ ”

Jɛnesis 43:19

Ŋkpal le be nfɛra ere so, b ka fo Josɛf be laŋ to nɛ b kaŋɛ mbe nyɛrbi be enimu na le:

Jɛnesis 43:3

Nɛ Juda kaŋɛ mo: “Kanyɛn na fiɛ anyi so kenishipereso nna ŋ kaŋɛ: ‘Men naŋ ba nfe ŋkaa maŋ bar men sipo na, men sa maŋ naŋ shin nɛ nwu menyi.’

Jɛnesis 43:5

Ama nɛ fo maaŋ shuli n wora loŋ bre, anyi maaŋ yɔ ŋkpal kanyɛn na ka kaŋɛ anyi fanɛ: ‘Men naŋ ba nfe ŋkaa maŋ bar men sipo na, men sa maŋ shin nɛ n wu menyi so so.’ ”

Jɛnesis 44:21

An ka kaŋɛ fo loŋ na nɛ fo kaŋɛ anyi, fo anya le: ‘Men ya bar mo nɛ ma alɛ gba e wu mo.’

Jɛnesis 44:23

Ndoŋ nna nɛ fo kaŋɛ anyi, fo anya le: ‘Nɛ men sipobi na baa maŋ tu menyi m ba, ma nɛ menyi maaŋ wu abar.’

Jɛnesis 6:22

Ndoŋ nna nɛ Nowa wora kusɔ kama nyam nɛ Ebɔrɛ daŋ kaŋɛ mo fanɛ e wora na.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”