Jɛnesis 42:13 - EBƆRƐ BE KAWƆL

¹³ Ndoŋ nna nɛ b kaŋɛ mo: “Anyi, fo anya daa la enyɛn koŋwule be bibinyɛn kuduanyɔ nna. Ekoŋwule maŋ naa wɔtɔ nɛ kaluge na malɛ wɔ an tuto kutɔ.”

Jɛnesis 42:13 ပူးပေါင်းရင်းမြစ်များ

Jɛnesis 37:30

nseŋ yɔ mo sipoana na kutɔ n ya bishi bumo le: “Kebia ere ka maŋ naa wɔtɔ ere, manɛ nɛ meeŋ ya kaŋɛ mo tuto?”

Jɛnesis 42:11

An kikɛ la enyɛn koŋwule be mbia nna. Anyi, fo anya la beshenteŋjipo nna, anyi maŋ la basa nɛ baa ba nɛ b ba dara kusɔ ko nfe.”

Jɛnesis 42:12

Nɛ Josɛf kaŋɛ bumo: “Ayai, mannɛ aloŋ nna, men ba nna nɛ men ba dara m pin efuli ere so be kakpa nɛ bekumpo maŋ wɔ.”

Jɛnesis 42:14

Nɛ Josɛf kaŋɛ bumo: “Kumo nɛ m baŋ kaŋɛ menyi na fanɛ men ba nna nɛ men ba dara efuli ere.

Jɛnesis 42:32

An kaŋɛ mo fanɛ an la esa koŋwule be bibinyɛn kuduanyɔ nna nɛ ekoŋwule maŋ naa wɔtɔ nɛ kaluge na malɛ wɔ an tuto kutɔ ashi Keenan.

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 42:38

Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

Jɛnesis 43:29

E ka maŋ kumu so ŋ keni n wu mo sipo Bɛnjamin nɛ e la mo nio pibi gbagba na nɛ e bishi bumo: “Men sipobi nɛ men kaŋɛ ma mbe asheŋ na nde a?” Kumo be kaman nɛ e kaŋɛ: “M pibi, Ebɔrɛ e nɛfa fo.”

Jɛnesis 43:7

Nɛ b kaŋɛ mo: “Kanyɛn na gbagba e lege anyi to m bishi anyi, anyi gbagba nɛ anyi be kanaŋ to ebi be asheŋ. E yɛ: ‘Men tuto kraa wɔtɔ a? Men kraa kɔ esipo nyɛnso a?’ Amoso mo ere be asheŋ bishiso na be afito nɛ anyi ere daŋ baa sa. Kumo be kaman nuso nɛ an daa wora a pin fanɛ e beeŋ kaŋɛ fanɛ: ‘Men naa ba, men keta men sipo na a ba?’ ”

Jɛnesis 44:20

Nɛ an shuli ŋ kaŋɛ fo: ‘An kɔ etuto nɛ e bel a kɔ kebinyɛnsobi nɛ e kurge mbe mbel to. Kebia na mo da wu nɛ e ki mo nawule ashi mo nio be mbia to nɛ mo tuto bee sha mo ga.’

Jɛnesis 44:28

Eko maŋ naa wɔ ma kutɔ nɛ ŋ kaŋɛ le: ‘Kashenteŋto kupuŋ to be kusɔ ko e kpɛa mo to n we na.’ Yili kumo be jemanɛ na so malɛ kikɛ m ba fo mbre, m maŋ naŋ wu mo kikɛ.

Jɛnesis 45:26

B ka fo nɛ b kaŋɛ mo: “Josɛf kraa wɔ ŋkpa to. Mo e la Ijipt be efuli so kikɛ be gomena gba kuraa!” Ndoŋ nna nɛ kamalga na mɔ Jeekɔb kɔnɔ nɛ e maŋ tiŋ nɛ e yirda bumo.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Nfabel 5:7

An nananyɛnana e daŋ wora alubi, bumo alɛ maŋ naa wɔtɔ naniere. Anyi e wɔtɔ a ji bumo be alubi na be awurfoŋ.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 2:18

“Awɔr shi Raama to n cha m ba, baa boŋ to nna a shu. Reechel e naa kpal mbe mbia kikɛ ka maŋ naa wɔtɔ so a shu, nɛ basa bee wushi mo kagbene a gben.”