Jɛnesis 41:8 - EBƆRƐ BE KAWƆL

⁸ Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Jɛnesis 41:8 ပူးပေါင်းရင်းမြစ်များ

Jɛnesis 40:6

B ka ku edareana na ŋklade chipurso nɛ Josɛf wu fanɛ bumo be ŋgbene maŋ fuli bumo.

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 41:15

Ndoŋ nna nɛ Fɛɛro kaŋɛ Josɛf le: “Ŋ ku edare nna nɛ ekama pin kumo be kifito ŋ gben. Ma alɛ nu b ka kaŋɛ fanɛ fee tiŋ a kute edare be afito.”

Jɛnesis 41:24

Ndoŋ nna nɛ ayu pɔsampɔsambi na ta ayu amu lela ashunu na m min. Ŋ kute edareana ere ŋ ŋini efuli ere so be belejipo kikɛ, ama bumo be ekama maŋ tiŋ ŋ kute amo be kifito n sa ma.”

Jɛnesis 41:7

ta ayu lela lempo ashunu na m min. Kumo be kaman nɛ Fɛɛro tiŋi n wu fanɛ edare nɛ e ku.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Ɛksodɔs 7:11

Ndoŋ nna nɛ Fɛɛro malɛ tre mbe benyiashempo nɛ ŋkilgiwuraana nɛ bumo alɛ gba ba ta bumo be ŋkilgi n wora loŋ gbagba chap.

Ɛksodɔs 7:22

Ndoŋ nna nɛ Ijipt be ŋkilgiwuraana malɛ gba ta bumo be ademansheŋ be ŋkilgi n wora loŋ koŋwule na nɛ Fɛɛro be kagbene naŋ ki kpakpa n ti so nɛ e kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 8:7

Ndoŋ nna nɛ ŋkilgiwuraana na gba ta bumo be ŋkilgi n wora bumo be ewulosheŋ, nɛ epulo ba Ijipt be kasawule na so.

Ɛksodɔs 9:11

Ŋkpal loŋ be alɔbi na ka daŋ pɛ ŋkilgiwuraana na gba so b daa maŋ naŋ tiŋ n yili Mosis be anishito.

Aizaaya 19:3

Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Danɛl 4:18

Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Danɛl 4:6

Ndoŋ nna nɛ m ponte n tre Babilɔn be benyiashempo kikɛ fanɛ b ba kaŋɛ ma edare na be kifito.

Danɛl 4:7

B ka ba shɛr nɛ ŋ kaŋɛ bumo ma edare na. Ama b daa maŋ tiŋ ŋ kaŋɛ ma kumo be kifito.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Levitikɔs 19:31

Men sa maa yɔ basa nɛ baa tre abuniyoyu a kpal na kutɔ n ya kaa fin kepin asheŋ to, ŋkpal manɛ so, baaŋ shin nɛ men luri eyurpi to. Ma e la Enyɛnpe, men be Ebɔrɛ na.

Levitikɔs 20:6

Esa kama nɛ e beeŋ yɔ ekpalpo kutɔ n ya bishi so, meeŋ pal kaman n sa mo nɛ e maaŋ naa ti ma basa so.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 7:22

Ndoŋ nɛ b ŋini mo Ijipt be kanyiasheŋ kikɛ nɛ e ba ki esagboŋ ashi mbe kamalga nɛ mbe asheŋ woraso kikɛ to.

1 Kɔrintebi 1:19

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ fanɛ: “Meeŋ jija benyiashempo be kanyiasheŋ nseŋ ta benyiashempo be kenyi ŋ ki jiga.”

1 Samuɛl 6:2

nɛ Filistiebi na tre bumo be agbirwuraana nɛ bekpalpo m bishi bumo le: “Nuso nɛ anyeeŋ wora Enyɛnpe Ebɔrɛ be ŋkre be deka ere? Men kaŋɛ anyi kananɛ anyeeŋ wora m bɛta kumo n yɔ kumo be kakpa nɛ k shi.”