Jɛnesis 41:51 - EBƆRƐ BE KAWƆL

⁵¹ Josɛf daŋ nase mbe wurkoŋ ketre Manase nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nɛ n teŋ ma tɔrɔ kikɛ so nseŋ naŋ teŋ n tuto be kowu to ebi be asheŋ so.”

Jɛnesis 41:51 ပူးပေါင်းရင်းမြစ်များ

Jɛnesis 41:30

ama loŋ be nfɛnshunu na be kaman, ewule lubi nɛ akoŋgboŋ beeŋ tɔr nfɛnshunu m bɛ so. Jemanɛ nɛ akoŋgboŋ na beeŋ tɔr na basa beeŋ teŋ so fanɛ ajibi daŋ wora nɛnɛ ashi Ijipt be kasawule so gba.

Jɛnesis 41:50

Pɔɛŋ nɛ akoŋ be jemanɛ be nfɛnshunu na fo na nɛ On be kegbirwura Potifera pibiche Asenat kurge bibinyɛn anyɔ n sa Josɛf.

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Jɛnesis 48:1

Kachako nɛ b kaŋɛ Josɛf fanɛ mo tuto bee lɔ. Ndoŋ nna nɛ e koso ŋ keta mbe bibinyɛn anyɔ na, Manase nɛ Efreim n ti mbe kumu so n yɔ nɛ e ya keni mo.

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Job be kawɔl 11:16

Kumo be kaman nɛ fo etɔrɔbi ere kikɛ be asheŋ e lar fo nfɛra to fanɛ nchu ka bɔla kuturko to n choŋ na.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 45:10

Eche nɛ ewura bee shin nɛ e ta na, e kaŋ kusoe n nu. Teŋ fo basa nɛ fo tuto be laŋ to ebi so.

Aŋasa 31:7

Shin nɛ loŋ be basa e baa nuu nsa a boo a teŋ bumo be ketir nɛ awurfoŋ so.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Nɔmbɛs 26:28

Josɛf be mbia Manase nɛ Efreim be mbuna nde.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

Joshuwa 17:1

B daŋ ta kasawule nɛ k wɔ Jɔɔdan be epeŋitɔrkpa na nna n sa Josɛf pibinyɛn nimuso nɛ baa tre Manase na be kanaŋ to ebi nna. Giliad mo tuto Makiir nɛ e daa la enapo lempo na e daa la Manase pibinyɛn nimuso. Ŋkpal loŋ so b daŋ ta Giliad nɛ Bashan nɛ a wɔ Jɔɔdan be lɔr na be epeŋilarkpa na nna n sa mo.

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.