Jɛnesis 41:43 - EBƆRƐ BE KAWƆL

⁴³ E ka wora Josɛf loŋ na nɛ e shin nɛ b ta mo gbaŋɛturko to nɛ basa ko juŋkpar mo a ponte to a kaŋɛ: “Men baa bunyaŋ mo, men baa bunyaŋ mo!” Nɛ k ŋini fanɛ mbe eyilikpa e bɛ Fɛɛro so. Ade kikɛ nɛ Fɛɛro daŋ wora n shin nɛ Josɛf ki Ijipt be kasawule na kikɛ so be ekenipo.

Jɛnesis 41:43 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Jɛnesis 41:44

Nɛ Fɛɛro kaŋɛ Josɛf: “Ma e la ewura Fɛɛro, ama esa kama maaŋ tiŋ n wora shɛŋ Ijipt be efuli so nɛ fo maŋ sa mo ekpa fanɛ e wora loŋ.”

Jɛnesis 42:30

B yɛ: “Kanyɛn mo nɛ e la Ijipt be gomena na ya malga nyaŋnyaŋ nna n sa anyi nseŋ wora anyi fanɛ an ka la basa nɛ b ba nɛ b ba dara efuli na so ebi nna.

Jɛnesis 42:33

Ndoŋ nna nɛ kanyɛn nɛ e la efuli na so be gomena na kaŋɛ anyi le: ‘Kananɛ meeŋ wora m pin fanɛ men la beshenteŋjipo nde: Men yige men niopibi ko ŋ kutɔ nfe nseŋ ta ajibi n ya sa men be basa nɛ b wɔ epe nɛ akoŋ kɔ bumo a mɔ na.

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 45:26

B ka fo nɛ b kaŋɛ mo: “Josɛf kraa wɔ ŋkpa to. Mo e la Ijipt be efuli so kikɛ be gomena gba kuraa!” Ndoŋ nna nɛ kamalga na mɔ Jeekɔb kɔnɔ nɛ e maŋ tiŋ nɛ e yirda bumo.

Jɛnesis 45:8

Amoso, mannɛ menyi e bar ma nfe, Ebɔrɛ e bar ma nfe m ba ta ma ŋ ki ewura Fɛɛro be kowu to ebi kikɛ nyam so be enimu nɛ mee ji kuwura Ijipt be efuli so kikɛ.

Jɛnesis 50:18

Ama kubɔya na be kaman, mo daana na gba daŋ naŋ ba mo kutɔ nna m ba gbir mbe anishito ŋ kurgi amu n yuu to ŋ kaŋɛ mo: “Anyi, fo anya nde!”

Jɛnesis 50:9

Basa nɛ b daŋ tu mo n yɔ na to be beko daa wɔ egbaŋɛturko to nna nɛ bede dii egbaŋɛ. Kashenteŋto jimaŋ damta e daa la bumo.

Ɛsta 10:3

Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.

Ɛsta 3:2

Ewura na daŋ tre mbe benimu nɛ baa shuŋ ewurkpa na kikɛ nna, ŋ kaŋɛ bumo fanɛ b baa bunyaŋ Heman nseŋ naa jɔŋɛ mo ase. Nɛ bumo kikɛ bɛ kusɔ nɛ e kaŋɛ na so ama Mɔdikaya nawule.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.