Jɛnesis 41:42 - EBƆRƐ BE KAWƆL

⁴² Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Jɛnesis 41:42 ပူးပေါင်းရင်းမြစ်များ

Jɛnesis 38:18

Nɛ Juda malɛ bishi mo: “To, manɛ nɛ fee sha fanɛ n ta n wora tarma n sa fo n ya fo saŋɛ nɛ kaboe na beeŋ ba?” Nɛ kache na kaŋɛ mo: “Ta fo kemaŋkanibi nɛ fo ketre deŋ so nɛ fo di ere nɛ fo kekpabi nɛ fo keta ere n sa ma.” Ndoŋ nna nɛ Juda ta asɔ na n sa kache na nɛ mo nɛ mo di keche nɛ kenyɛn nɛ e luri kedampo.

Jɛnesis 41:43

E ka wora Josɛf loŋ na nɛ e shin nɛ b ta mo gbaŋɛturko to nɛ basa ko juŋkpar mo a ponte to a kaŋɛ: “Men baa bunyaŋ mo, men baa bunyaŋ mo!” Nɛ k ŋini fanɛ mbe eyilikpa e bɛ Fɛɛro so. Ade kikɛ nɛ Fɛɛro daŋ wora n shin nɛ Josɛf ki Ijipt be kasawule na kikɛ so be ekenipo.

Ɛsta 10:3

Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.

Ɛsta 3:10

Ndoŋ nna nɛ ewura na lara mbe kepinibi nɛ e kɔ a dulgi mbe nwɔl sibɛ so na n sa Hammedaata pibinyɛn Heman nɛ e la Juwebi bumo doŋ na

Ɛsta 3:12

Amoso kufɔl sososo na to be kachɛ kuduasasopo na nɛ Heman tre ewura na be nwɔlsibɛpoana na ŋ kaŋɛ bumo fanɛ b kilgi mbe mbra nɛ e nase na n wɔtɔ bumo be efuli na so be ŋgbarana nɛ nsibɛ be yiriana to n chige to n sa bewurbi nɛ benimu nɛ ekrachiana nɛ b wɔ efuli na so na kikɛ. Ewura Sɛgsis be ketre so nɛ b daŋ bɔla n sibɛ nwɔl na nseŋ ta mbe kepinibi n dulgi amo.

Ɛsta 8:10

Ewura Sɛgsis be ketre to nɛ Mɔdikaya daŋ shin nɛ b sibɛ nwɔl na kikɛ nseŋ ta ewura na be kepinibi nɛ b kɔ a dulgi nwɔl na n dulgi amo kikɛ. Kumo be kaman nɛ b ta amo n sa ewura be egbaŋɛ nɛ baa shile ga na be bediipo fanɛ b chige.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Ɛsta 8:2

Kumo be kaman nɛ ewura na ta mbe kepinibi nɛ k daa wɔ Heman kutɔ nɛ b kɔ a dulgi ewura be nwɔl sibɛso na n sa Mɔdikaya. Nɛ Ɛsta malɛ shin nɛ Mɔdikaya bee keni Heman be asɔ na so.

Ɛsta 8:8

Ŋkpal esa ka maaŋ naŋ tiŋ n chɛrga kawɔl kikɛ nɛ b sibɛ ashi ewura be ketre to nseŋ ta mbe kepinibi n dulgi so, n sa fo ekpa fanɛ fo ere gba e sibɛ kawɔl kananɛ k par fo nsaa beeŋ tiŋ m mɔlga Juwebi na nseŋ ta ewura be kepinibi nɛ b kɔ a dulgi mbe nwɔl sibɛso na n dulgi kumo.”

Nshɛ 73:6

Amoso kamoowu ki fanɛ kubɔtoshembi ashi bumo be ebɔ to nna, nɛ kebaanyaŋɛto a wora asheŋ malɛ ki fanɛ bumo be asɔbuuso.

Aŋasa 1:9

Ŋkpal manɛ so bumo be keŋini na beeŋ sa fo da lela, fanɛ kananɛ neemu ŋko kubɔtoshembi bee sa esa kela na.

Aŋasa 31:22

Mo gbagba e naa baa mbe asɔbuuso, nsaa buu asɔ lela fanɛ ago be ewajɛ.

Aŋasa 31:24

E bee lue ewajɛ nɛ eshata nna a fa a sa eyawujipo.

Sɔlɔmɔn 1:10

Akonde bee shin nɛ fo kebita bee lar alegaiso nna, nɛ fo kubɔtoshembi malɛ bee nyɛkpɛ fanɛ shuwa na.

Sɔlɔmɔn 4:9

Esipoche, ma kagbene pɛ fo ga; ma kagbene pɛ fo kashenteŋto nna. Ma nɛ fo be anishi ka baŋ wora abar anyɔ nɛ n wu kananɛ fo kubɔtoshembi bee nyɛkpɛ na nɛ ma kagbene laŋɛ fo so.

Jɛremaya 52:33

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

Ezikɛl 27:7

Wajɛchɛbi lela nɛ b lue nɛ k shi Ijipt be efuli so nɛ b ta n chɛ nɛ afu bee ber kumo a keta fo a nite. Esa wɔ kufɔ nseŋ wu kumo gba e beeŋ pin fanɛ k la feya nna. Kechɛbi gbɛgbɛso nɛ k walɛ ga nɛ b ta n chɛ m buu fo so a kuŋ epeŋi, Kechɛbi buru nɛ kepeper kunɔkunɔ nɛ k shi Saiprus be keplasawule so e la kumo.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:29

Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

1 Samuɛl 18:4

Nɛ Jonatan lara mbe piŋi nɛ e buu na n sa Deevid. E daŋ ta mbe kenyɛnkale gba nɛ mbe tokobi nɛ mbe keta nɛ amo be atanyembi nɛ mbe kreso n ti so nna n sa mo.