Jɛnesis 41:41 - EBƆRƐ BE KAWƆL

⁴¹ Kamalga ere be kaman nɛ e naŋ kaŋɛ Josɛf: “Yili kabre a yɔ n ta Ijipt be kasawule kikɛ nyam m bɔɔ fo enɔ.”

Jɛnesis 41:41 ပူးပေါင်းရင်းမြစ်များ

Jɛnesis 39:22

Ndoŋ nna nɛ kabutikenipo na ta basa nɛ b daa wɔ kabuti na to kikɛ nɛ kusɔ kama nyam nɛ k daa wora ndoŋ na m bɔɔ Josɛf enɔ nɛ e bee keni so.

Jɛnesis 39:5

Baŋ yili jemanɛ nɛ Potifa ta Josɛf ŋ ki mbe laŋ to nɛ mbe asɔ kikɛ so be enimu na, Enyɛnpe na daŋ kpal Josɛf so nna n nɛfa mbe laŋ to nɛ mbe ndɔ to be asɔ kikɛ nyam.

Jɛnesis 41:44

Nɛ Fɛɛro kaŋɛ Josɛf: “Ma e la ewura Fɛɛro, ama esa kama maaŋ tiŋ n wora shɛŋ Ijipt be efuli so nɛ fo maŋ sa mo ekpa fanɛ e wora loŋ.”

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 45:8

Amoso, mannɛ menyi e bar ma nfe, Ebɔrɛ e bar ma nfe m ba ta ma ŋ ki ewura Fɛɛro be kowu to ebi kikɛ nyam so be enimu nɛ mee ji kuwura Ijipt be efuli so kikɛ.

Ɛsta 10:3

Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.

Nshɛ 105:21

Ewura na daŋ shin nna nɛ e bee keni mbe laŋ nɛ asɔ kikɛ so.

Aŋasa 17:2

Kenya nyiashempo bee ji ebi wulpo so kuwura nna, nɛ mo nɛ bibi e barga kapetɛ to.

Aŋasa 22:29

Nɛ fo baa shuŋ fo kushuŋ nɛnɛ, bewura nɛ feeŋ baa shuŋ a sa mannɛ bebɔlpo.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 6:3

Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.