Jɛnesis 41:30 - EBƆRƐ BE KAWƆL

³⁰ ama loŋ be nfɛnshunu na be kaman, ewule lubi nɛ akoŋgboŋ beeŋ tɔr nfɛnshunu m bɛ so. Jemanɛ nɛ akoŋgboŋ na beeŋ tɔr na basa beeŋ teŋ so fanɛ ajibi daŋ wora nɛnɛ ashi Ijipt be kasawule so gba.

Jɛnesis 41:30 ပူးပေါင်းရင်းမြစ်များ

Jɛnesis 41:21

Bumo alɛ ka daŋ min bumo na gba be kaman, fo maa pin fanɛ b wora loŋ, ŋkpal manɛ so, b daŋ kraŋ wɔlsobi nna fanɛ kananɛ b daa du pɔɛŋ nseŋ min bedanso na. Edare ere be kaman nɛ n tiŋi. Kade be kaman nɛ n naŋ laŋɛ ŋ ku edare nyɔsopo.

Jɛnesis 41:27

Ana beeso wɔlsobi ashunu nɛ b daŋ bɛ kaman to n lar na gba la nfɛnshunu nna nɛ ayumu pɔsampɔsambi ashunu nɛ a du fanɛ ewule kpakpaso be epeŋi nɛ afu tushiso nɛ a shi epeŋipetekpa ka chɔ amo na malɛ gba la nfɛnshunu. Loŋ be nfɛnshunu na la nfɛ nɛ akoŋgboŋ beeŋ tɔr nna.

Jɛnesis 41:31

Baaŋ teŋ kanya damta na so, ŋkpal manɛ so, akoŋ nɛ k beeŋ bɛ loŋ be saŋɛ na so be tɔrɔ maaŋ ba kaa walɛ kuraa.

Jɛnesis 41:51

Josɛf daŋ nase mbe wurkoŋ ketre Manase nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nɛ n teŋ ma tɔrɔ kikɛ so nseŋ naŋ teŋ n tuto be kowu to ebi be asheŋ so.”

Jɛnesis 41:54

nɛ nfɛnshunu be akoŋ be jemanɛ na malɛ ba fara fanɛ kananɛ Josɛf daŋ kaŋɛ na. Efuli kama so akoŋ na daŋ tɔr nna, ama Ijipt bre be kasawule so kikɛ ajibi daa wɔtɔ nna.

Jɛnesis 41:56

Akoŋ na ka sɔ efuli na so kikɛ nɛ Josɛf bugi m bugi ajibi be eyilikpaana na a fa ayu na a sa Ijiptebi na, ŋkpal manɛ so, akoŋ na daa shi ga nna ashi Ijipt be kasawule so kikɛ nyam.

Jɛnesis 47:13

Ŋkpal akoŋ na ka daa chɛr ga so ajibi daa maŋ naa wɔ kaplɛkama. Ndoŋ nna nɛ Ijipt nɛ Keenan be basa kikɛ bee shu akoŋ.

2 Samuɛl 24:13

Nɛ Gad yɔ ewura Deevid kutɔ n ya kaŋɛ mo kusɔ nɛ Enyɛnpe Ebɔrɛ kaŋɛ. E yɛ: “Asɔ ere be kumo nɛ feeŋ baa sha? Akoŋgboŋ be ketɔr fo kasawule so nfɛ asa ŋko fo keshile fo doŋana afɔl asa ŋko kulɔ be aleblawu ko be keba fo kasawule so nchɛnsa? Fɛ kumo be asheŋ nseŋ kaŋɛ ma kusɔ nɛ fee sha fanɛ ŋ kaŋɛ Enyɛnpe Ebɔrɛ.”

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

2 Bewura 8:1

Elaisha daŋ kaŋɛ Shunɛm be kache nɛ mbe kebia daŋ wu nɛ mo ere Elaisha tiŋi mo na nna fanɛ e keta mbe kanaŋ n yɔ kaplɛkama nɛ e bee sha n ya chena ŋkpal manɛ so Enyɛnpe Ebɔrɛ na beeŋ shin nɛ akoŋgboŋ e tɔr kasawule na so nfɛ ashunu.

Nshɛ 105:16

Enyɛnpe Ebɔrɛ na daŋ shin nɛ ewule ba efuli na so nna nɛ bumo be adɔjibi kikɛ mur.

Aŋasa 31:7

Shin nɛ loŋ be basa e baa nuu nsa a boo a teŋ bumo be ketir nɛ awurfoŋ so.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Luuk 4:25

Men nu nfe, kashenteŋ nna fanɛ anebi Elaija be jemanɛ na bekulpoche damta e daa wɔ Israɛl be efuli so saŋɛ nɛ bɔrɛ daa maŋ ba nfɛ asa nɛ bargato nɛ akoŋ daŋ tɔr efuli ere so kikɛ na.

Jeems 5:17

An ta fanɛ Elaija. E daa la nyiŋgbasa nna fanɛ anyi nseŋ daŋ ta kenishipere ŋ kule Ebɔrɛ fanɛ bɔrɛ e sa maŋ ba nɛ bɔrɛ maŋ ba kasawule na so nfɛ asa nɛ bargato.