Jɛnesis 41:15 - EBƆRƐ BE KAWƆL

¹⁵ Ndoŋ nna nɛ Fɛɛro kaŋɛ Josɛf le: “Ŋ ku edare nna nɛ ekama pin kumo be kifito ŋ gben. Ma alɛ nu b ka kaŋɛ fanɛ fee tiŋ a kute edare be afito.”

Jɛnesis 41:15 ပူးပေါင်းရင်းမြစ်များ

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Danɛl 2:3

nɛ e kaŋɛ bumo le: “Ŋ ku edare ko nna nɛ k sa ma kagbenejija nɛ mee sha fanɛ men kaŋɛ ma kumo be kifito.”

Danɛl 4:18

Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 4:9

nseŋ kaŋɛ le: Bɛlteshaaza nɛ fo la belejipoana na kikɛ be ewura, n nyi agbir cheembi na be kiyoyu ka wɔ fo to nɛ fee tiŋ a pin alemaŋkarsheŋ kikɛ be afito. Ma edare nde. Kaŋɛ ma kumo be kifito.

Danɛl 5:12

E kɔ kenyi nɛ nfɛra ga nsaa kɔ kanyiasheŋ a tiŋ a kute edareana be afito, nsaa sa asheŋ bishiso kpakpaso gba be atuwebi. E bee tiŋ a bugi alemaŋkarsheŋ be ewulo to. Amoso shuŋi n tre le be kanyɛn ere. Mo e la Danɛl nɛ ewura na daŋ sa mo ketre Bɛlteshaaza na. E beeŋ kaŋɛ fo le be asheŋ ere kikɛ be afito.”

Danɛl 5:14

N nu fanɛ agbir cheembiana na be kiyoyu wɔ fo to, nɛ fee tiŋ a wora asheŋ manaŋ manaŋ nseŋ naa kɔ nfɛra nɛ kanyiasheŋ.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”