Jɛnesis 40:8 - EBƆRƐ BE KAWƆL

⁸ Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 40:8 ပူးပေါင်းရင်းမြစ်များ

Jɛnesis 40:9

Ndoŋ nna nɛ asɔnuuso kenipo nimuso na kaŋɛ Josɛf mbe edare. E yɛ: “Ma edare to n wu kefeelebi nɛ k bee sɔr asɔrso nɛ baa tre greep na nɛ k kɔ ayabi asa kumo so ka yil ma anishito.

Jɛnesis 41:25

Ndoŋ nna nɛ Josɛf kaŋɛ Fɛɛro le: “Fo edareana na be afito la kukoŋwule nna a maŋ kɔr abar to. Ewura Fɛɛro, Ebɔrɛ lara kusɔ nɛ e bee shin nɛ e wora nna ŋ ŋini fo.

Job be kawɔl 33:23

Ashere Ebɔrɛ be emalaika ŋgboŋ to ŋgboŋ to nɛ baa nyiŋi edimɛdi kusɔ nɛ k daga na be eko e naaŋ ba chɛ bumo to.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Danɛl 2:11

Yiramu, kusɔ nɛ fee bishi ere du kpakpa ga, amoso esa kama maaŋ tiŋ n wora loŋ, she agbir. Amo alɛ maŋ la edimɛdi a wɔ anyi to.”

Danɛl 2:27

Ndoŋ nna nɛ Danɛl kaŋɛ le: “Yiramu, lejipo nɛ ŋkilgiwura nɛ ekpalpo nɛ enyiashempo kikɛ maŋ wɔtɔ nɛ e beeŋ tiŋ m pin le be kesheŋ.

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:3

nɛ e kaŋɛ bumo le: “Ŋ ku edare ko nna nɛ k sa ma kagbenejija nɛ mee sha fanɛ men kaŋɛ ma kumo be kifito.”

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 4:8

Ndoŋ nna nɛ Danɛl malɛ ba nɛ ŋ kaŋɛ mo edare nɛ ŋ ku na. Agbir cheembi na be kiyoyu wɔ Danɛl to nna a chɛ mo to nɛ e bee tiŋ a pin edare be afito. N daŋ ta ma kegbir be ketre Bɛlteshaaza nna n nase Danɛl,

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.