Jɛnesis 40:17 - EBƆRƐ BE KAWƆL

¹⁷ Kelantaŋɛ sasopo nɛ k daa bɛ esoso gbagba na to daa kɔ Fɛɛro be ajibi be yiri yiri nɛ b ta paanu be nyifu n wora nna, ama mbuibi daa ba nna m ba kaa ji amo kelantaŋɛ na to ashi ma kumu so.”

Jɛnesis 40:17 ပူးပေါင်းရင်းမြစ်များ

Jɛnesis 40:16

Ewura Fɛɛro be bodobodo worapo nimuso na ka nu kananɛ Josɛf sa edare na be kifito nɛ k wɔ bel na nɛ e kaŋɛ Josɛf: “Ma alɛ gba ku edare nna n wu ŋ ka sulɔ bodobodo be alantaŋɛ asa ma kumu so.

Jɛnesis 40:18

Ndoŋ nna nɛ Josɛf kaŋɛ mo: “Fo edare na be kifito nde. Alantaŋɛ asa na la nchɛ asa nna.

Jɛnesis 49:20

Ashɛr, fo adɔsawule beeŋ wora ajibi lela damta, ajibi nɛ feeŋ nya na beeŋ baa walɛ nna n sa ewura.

1 Kronikɛls 12:20

Benapo nɛ b daŋ shi Manase be yiri to n ya ti Deevid so saŋɛ so nɛ e bɛta a yɔ Ziklag na e daa la Adna nɛ Jozabad nɛ Jedial nɛ Maikel nɛ Jozabad nɛ Elihu nɛ Zilletai. Bumo b ekama daa keni benapo kagboŋ be katuŋ so ashi Manase be yiri to nna.