Jɛnesis 40:15 - EBƆRƐ BE KAWƆL

¹⁵ Ŋkpal manɛ so, b daŋ pɛ ma eleŋso nna ashi Hibruwebi be kasawule so m ba nfe. Ma alɛ ka ba nfe ere gba, m maŋ wora shɛŋ n daga kabuti.”

Jɛnesis 40:15 ပူးပေါင်းရင်းမြစ်များ

Jɛnesis 14:13

Ama kanyɛn ko bre daŋ nya mbe kumu n shile nseŋ ya kaŋɛ Eebram, Hibruw be esa na, asheŋ nɛ a daŋ wora na kikɛ. Eebram malɛ daŋ chena m mata ndibigboŋ ko nɛ a daa la Amɔriebi be esa ko nɛ baa tre Mamre na peya. Mamre nɛ mo sipoana Ɛshkɔl nɛ Anɛr nɛ Eebram daŋ yili kumo nna fanɛ baaŋ baa chɛ abar to.

Jɛnesis 39:20

Ndoŋ nna nɛ Josɛf mo nyɛnpe na pɛ mo n ti ebu, kaboŋ nɛ baa ti ewura Fɛɛro be basa lubi ebu na.

Jɛnesis 40:16

Ewura Fɛɛro be bodobodo worapo nimuso na ka nu kananɛ Josɛf sa edare na be kifito nɛ k wɔ bel na nɛ e kaŋɛ Josɛf: “Ma alɛ gba ku edare nna n wu ŋ ka sulɔ bodobodo be alantaŋɛ asa ma kumu so.

Jɛnesis 41:12

Loŋ be saŋɛ na so nɛ anyi nɛ Hibruw be kabrantiɛbia ko nɛ e la ekumpo nimuso be kenya na daa wɔ kabuti na to. Ndoŋ nna nɛ an kaŋɛ mo anyi be edareana na nɛ e kute ŋ kute amo be afito n sa anyi. Ekama be edare nɛ kumo be kifito.

Nshɛ 105:18

B daŋ wɔtɔ Josɛf be aya nɛ mbe kubɔ to ŋgbɛlɛbi nna, nɛ e pɛge so;

Nshɛ 109:2

Kumukpakpasowuraana nɛ befɛpo bee kɔ ma nna a ku efɛ a deŋi ma,

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.