Jɛnesis 4:8 - EBƆRƐ BE KAWƆL

⁸ Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

Jɛnesis 4:8 ပူးပေါင်းရင်းမြစ်များ

Jɛnesis 4:25

Ndoŋ nna nɛ Adam nɛ mbe eche naŋ di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Sɛt. Nɛ Adam be eche yɛ: “N nase mo loŋ nna, ŋkpal manɛ so, Ebɔrɛ naŋ sa ma ebinyɛn nna n tal Eebel nɛ Keen mɔ na to.”

2 Samuɛl 14:6

Ma alɛ kɔ mbia anyɔ nɛ kachako nɛ kolu tɔr bumo so ashi kupuŋ to. Esa kama malɛ daa maŋ wɔtɔ nɛ e barga bumo to nɛ bumo eko mɔ mo barkasa.

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Kronikɛls 21:4

Jehoram be kuwurji ka nya eleŋ, nɛ e shin nɛ b mɔ mo sipoana na kikɛ nɛ Israɛl be benimuana na be beko.

Nehemaya 6:2

Ŋkpal Sanballat nɛ Geshɛm ka bee sha fanɛ b tɔrɔ ma so, b ta kubɔya nna n shoŋi ma fanɛ m ba nɛ ma nɛ bumo e wu abar ashi ndebiana nɛ e wɔ kakpa nɛ baa tre Ono be Ketaŋɛ na be kuko to.

Job be kawɔl 11:15

Nɛ fo wora loŋ, fo maŋ naŋ ji anishinyɔr fo alɛ beeŋ nya kenyɛn a maaŋ naa wɔ kufu be kebaawɔtɔ to.

Nshɛ 139:19

O Ebɔrɛ, fo daa beeŋ shuli m mɔ kumukpakpasowuraana nna nseŋ kuŋ ma ashi bumo be kamɛaŋ to, k daa beeŋ par ma ga.

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Maika 7:6

Jemanɛ mo nɛ an wɔ to ere, bibinyɛn bee keni bumo tutoana nna fanɛ bewulpo. Bibiche malɛ maa sa bumo nioana kashuli nɛ bechekilpo malɛ bee tu bumo shacheana a bile. Naniere esa gbagba be kanaŋ to ebi e la mo doŋana.

Nɔmbɛs 35:20

Nɛ fanɛ esa ko kishi mo barkasa nna, nseŋ da mo n lɛ nɛ e wu ŋko n ta kusɔ ko ŋ kpa mo nɛ k ŋmɛa mo m mɔ

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Luuk 11:51

Kumo e la fanɛ, baŋ fara jemanɛ nɛ b mɔ Ebel na m ba fo Zakareya nɛ b mɔ bɔrɛsure na nɛ bɔrɛlambu be nferinto na achɛ nɛ n de na. Ma e kaŋɛ menyi na fanɛ kashenteŋto, asheŋ na kikɛ be kasogberge beeŋ ba mbreebi ere so.

Luuk 22:48

Nɛ Yesu bishi mo le: “Judas, ma, Nyiŋgbasa Pibinyɛn nɛ fee sha kepipe ma kegbuŋ kechɔrɔso n debɔr a?”

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.