Jɛnesis 4:7 - EBƆRƐ BE KAWƆL

⁷ Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Jɛnesis 4:7 ပူးပေါင်းရင်းမြစ်များ

Jɛnesis 19:21

Ndoŋ nna nɛ malaika na kaŋɛ: “K nyalɛ, n shuli, amoso m maaŋ mur loŋ be kade na bre.

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

2 Samuɛl 24:23

Aruna ka ta asɔ na kikɛ n sa ewura na nɛ e kaŋɛ mo le: “Ebɔrɛ e sɔ fo kekule.”

2 Bewura 8:28

E daŋ bɛ bumo be kasotoji so nna n tu Israɛl be ewura Joram n ya kɔ Siriya be ewura Haziɛl kena. Ramɔf nɛ k wɔ Giliad na nɛ b daŋ tu abar ŋ kɔ kena na nseŋ doro ewura Joram ashi kena na to.

Job be kawɔl 11:14

Tuba n lara kulubi ashi fo laŋ to, hale amo nɛ fo wora ashiri to na gba.

Job be kawɔl 11:15

Nɛ fo wora loŋ, fo maŋ naŋ ji anishinyɔr fo alɛ beeŋ nya kenyɛn a maaŋ naa wɔ kufu be kebaawɔtɔ to.

Job be kawɔl 29:4

Jemanɛ nɛ asheŋ daa nite nɛnɛ a sa ma na, Ebɔrɛ nɛ e la n teri kpakpaso na, e daa nɛfa ma laŋ to ebi kikɛ.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Aŋasa 18:5

Alubiworapo maŋ daga kesɔ n yige ashi kasogberge to, esa nɛ e maŋ wora n jija malɛ maŋ daga kemɔn kashenteŋ.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Jɛremaya 3:12

E daŋ kaŋɛ ma nna fanɛ n ya kaŋɛ Israɛl le: “Israɛl nɛ e maa ji kashenteŋ ere, bɛta m ba ma kutɔ. Mee wu kuwɔr nna nsaa maaŋ nya agbo n wɔtɔ fo mbaanaayɔ.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Malakai 1:13

Kumo be kaman le nɛ men kraa kaŋɛ: ‘Ebɔl lar anyi ere nna.’ Men wɔtɔ gba nna a kpa mmuna to a wɔtɔ ma. Kayu be asɔbɔya nɛ asɔbɔya nɛ b la ebobi nɛ asɔbɔya nɛ baa lɔ nɛ men ta a lara sarga a sa ma. Men fɛ fanɛ meeŋ shuli n sɔ amo nna a?

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 14:18

Ŋkpal manɛ so, ekama nɛ e bee shuŋ Kristo le be ekpa so be kebaawɔtɔ bee par Ebɔrɛ nna nɛ basa pɔtɛ gba e ji mbe kebaawɔtɔ lela na be shɛda n sa abar.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 6:12

Amoso, men sa maŋ naa shin nɛ alubi e baa pɔɔ menyi be eyurana nɛ a beeŋ wu ere so nɛ men baa nu a sa amo be ayɛlgasɔ lubiana.

Romebi 6:16

Men maŋ nyi fanɛ men baŋ ta menyi be amu m bɔɔ esa enɔ fanɛ amodoŋwura be anya, men ki mbe anya kashenteŋto a? Menyeeŋ tiŋ a la alubi nɛ a beeŋ shin nɛ men wu na be anya, menyi alɛ beeŋ naŋ tiŋ a la kasonu nɛ kumo be lalaloge beeŋ shin nɛ men ki belelapo Ebɔrɛ be anishito na be anya.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

1 Timoti 5:4

Ama ekulpoche kama nɛ e kɔ mbia ŋko benanabi, a daga fanɛ mbe mbia na nɛ mo nanabiana na ka pin fanɛ bumo e daga b ka nu n sa Ebɔrɛ ŋ keni bumo gbagba be kanaŋ to be esa so. Loŋ na kelela nɛ baa wora a tal bumo nioana nɛ bumo tutoana nɛ bumo nanaana na to na, kumo alɛ be loŋ e naa par Ebɔrɛ.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Jeems 1:15

Kulubi malɛ baŋ ba wora keshi, kumo be lalaloge e la luwu.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.