Jɛnesis 4:26 - EBƆRƐ BE KAWƆL

²⁶ Sɛt malɛ ka daŋ nɛ e ta eche ŋ kurge ebinyɛn nseŋ nase mo ketre Inɔsh. Kumo be jemanɛ so nɛ basa fara a shuŋ Enyɛnpe Ebɔrɛ na nsaa bunyaŋ mo.

Jɛnesis 4:26 ပူးပေါင်းရင်းမြစ်များ

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 26:25

Ndoŋ nna nɛ Aizek yuu bɔrɛsure ndoŋ m bunyaŋ Enyɛnpe Ebɔrɛ na. Kumo be kaman nɛ e yuu mbe wajɛbu n chena ndoŋ nɛ mbe nyɛrbi kur ketirbu.

1 Bewura 18:24

Kumo be kaman nɛ fo shin nɛ Baal be agbirwuraana na e kule bumo be kegbir nɛ ma alɛ e kule Enyɛnpe Ebɔrɛ na. Bumo be emo nɛ e beeŋ nu kekule n shin nɛ edɛ e ba na e la Ebɔrɛ.” Nɛ basa na cha awɔr fanɛ b wora loŋ.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Aizaaya 44:5

Basa pɔtɛ beeŋ kaŋɛ le kukoko to: ‘N la Enyɛnpe Ebɔrɛ peya nna.’ Baaŋ ta bumo be amu n ti Israɛl be basa so. Bumo be ekama beeŋ sibɛ Enyɛnpe Ebɔrɛ na be ketre n deŋi mbe be kabre so nsaa tre mo kumu Ebɔrɛ be esa.”

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Aizaaya 63:19

Naniere fee wora anyi nna fanɛ fo ka maŋ naŋ ji kuwura anyi so ŋ ku so ŋko an ka daa maŋ la fo basa ŋ ku so na.

Jɛremaya 33:16

Juda nɛ Jerusalɛm be basa beeŋ nya kumɔlga nsaa wɔ kayurwushi be kebaawɔtɔ to. Saŋɛ na so nɛ b baa tre Jerusalɛm le: ‘Enyɛnpe Ebɔrɛ na e la anyi be Kumɔlga.’

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Zefanaiya 3:9

Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

Luuk 3:38

Keenan malɛ mo tuto e daa la Inɔsh nɛ Inɔsh malɛ mo tuto daa la Sɛt nɛ Sɛt malɛ mo tuto daa la Adam, Ebɔrɛ pibi.

Ashuŋ Shunso 11:26

E ka wu mo nɛ e bar mo Antiɔk nɛ bumo benyɔ na ba ji kafɛ lelemu asɔriebi na kutɔ nsaa ŋini basa damta ko abɔrɛsheŋ na. Antiɔk nɛ b daŋ fara n tre bebɛsopoana na Kristoebi.

Ashuŋ Shunso 2:21

Saŋɛ na so ekama nɛ e tre Enyɛnpe na beeŋ nya kumɔlga.’

Romebi 10:13

Ŋkpal manɛ so, loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e shu n tre Enyɛnpe na beeŋ nya kumɔlga.”

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.