Jɛnesis 4:14 - EBƆRƐ BE KAWƆL

¹⁴ Keni, naniere fo ju ma ashi kasawule ere so nɛ e na durnya ere to chamcham. Ma alɛ maaŋ naŋ tiŋ m ba fo anishito gba. Amoso esa kama nɛ e tu ma kaplɛkama beeŋ mɔ ma.”

Jɛnesis 4:14 ပူးပေါင်းရင်းမြစ်များ

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

Jɛnesis 4:13

Ndoŋ nna nɛ Keen kaŋɛ Enyɛnpe Ebɔrɛ na le: “Kasogberge nɛ fo sa ma na shi ga a chɔ ma so.

2 Samuɛl 14:7

Naniere ma kanaŋ to ebi kikɛ yuu ma kenishi nna nseŋ kaŋɛ fanɛ m bar ma kebia na nɛ b mɔ mo alɛ gba ŋkpal e ka mɔ mo sipo so. Nɛ b baaŋ wora loŋ, kumo ere ma ere maaŋ naa kɔ ebinyɛn kikɛ nna na. B baaŋ mɔ mo, kumo ere ma tama loge, ma kul malɛ be ketre beeŋ mur kuraa.”

Nshɛ 109:10

nseŋ naŋ shin nɛ mbe laŋ e bure nɛ mbia na e ki mbi jiga a di kowu nsaa na a kule a ji.

Nshɛ 109:12

Sa maŋ shin nɛ mbe asheŋ e baa tir esa kikɛ, ŋko n shin nɛ esa ko e sɔ mbe amunibi m bela kikɛ.

Nshɛ 143:7

Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 8:22

Baaŋ maŋ amu so ŋ keni esoso ŋko n to anishi ŋ keni kasawule, bumo alɛ maaŋ wu shɛŋ she etɔrɔ nɛ tentembiri. Tentembiri mina nɛ k bee da kufu ga na to nɛ baa yɔ.”

Jɛremaya 52:3

Ewura Zɛdikaya daŋ lar Babilɔn be Ewura Nebukadneeza kaman nna nseŋ wora mo kusoe kpakpaso. Enyɛnpe Ebɔrɛ na daŋ nya agbo ga nna n wɔtɔ Juda nɛ Jerusalɛm be basa nseŋ kilgi kaman n sa bumo. Amoso nɛ e shin nɛ asheŋ lubi bee tu bumo na.

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Nɔmbɛs 35:19

Esa nɛ b mɔ na mo kurgepo nɛ e mata mo, e kɔ ekpa nɛ e mɔ esa nɛ e mɔ mo kurgepo na. Kaplɛkama nɛ e tu mo, a daga e ka mɔ mo.

Nɔmbɛs 35:21

ŋko ŋ ŋmɛa mo kuluŋguntuŋ m mɔ, kumo ere mo alɛ gba ki emɔpo nna na nɛ a daga fanɛ b mɔ mo alɛ gba. Esa nɛ b mɔ na malɛ mo kurgepo nɛ e mata mo, e kɔ ekpa nɛ e mɔ esa nɛ e mɔ mo kurgepo na. Kaplɛkama nɛ e tu mo a daga e ka mɔ mo.

Nɔmbɛs 35:27

nɛ k ba fanɛ esa nɛ e mɔ na mo kurgepoana wu mo nseŋ mɔ mo, kumo ere b maŋ wora kulubi.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Ditɛronɔmi 28:65

Menyi alɛ maaŋ nya kayurwushi kaplɛkama. Menyeeŋ baa yɛlga epe, ama menyi alɛ maaŋ tiŋ m bɛta n yɔ.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.