Jɛnesis 4:12 - EBƆRƐ BE KAWƆL

¹² Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

Jɛnesis 4:12 ပူးပေါင်းရင်းမြစ်များ

Jɛnesis 4:13

Ndoŋ nna nɛ Keen kaŋɛ Enyɛnpe Ebɔrɛ na le: “Kasogberge nɛ fo sa ma na shi ga a chɔ ma so.

Jɛnesis 4:14

Keni, naniere fo ju ma ashi kasawule ere so nɛ e na durnya ere to chamcham. Ma alɛ maaŋ naŋ tiŋ m ba fo anishito gba. Amoso esa kama nɛ e tu ma kaplɛkama beeŋ mɔ ma.”

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 109:10

nseŋ naŋ shin nɛ mbe laŋ e bure nɛ mbia na e ki mbi jiga a di kowu nsaa na a kule a ji.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Jowɛl 1:10

Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Romebi 8:20

Ŋkpal manɛ so, b yili kumo nna fanɛ kepɔrso kikɛ e sa maa kɔ tɔnɔ kikɛ, mannɛ ŋkpal kepɔrso na gbagba be keparso, ama ŋkpal Ebɔrɛ nɛ e yili kumo loŋ na be katiŋ so.

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.