Jɛnesis 4:10 - EBƆRƐ BE KAWƆL

¹⁰ Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Jɛnesis 4:10 ပူးပေါင်းရင်းမြစ်များ

Jɛnesis 18:20

E ka fɛ loŋ na be kaman nɛ e kaŋɛ Eebraham le: “Asheŋ nɛ baa malga a gbiti Sodɔm nɛ Gomɔra ebi nɛ alubi nɛ baa wora na wora keshi ga.

Jɛnesis 3:13

Ndoŋ nna nɛ Enyɛnpe Ebɔrɛ bishi eche na: “Manɛ be kushuŋ nɛ fo shuŋ loŋ?” Nɛ eche na kaŋɛ: “Kusɔkpaŋ na e fule ma nɛ n ji kusɔrso na.”

Jɛnesis 9:5

Esa kama nɛ e lara men be ŋkpaana ere k baŋ fuli nna fanɛ ma alɛ beeŋ bishi amodoŋwura na kumo be kuwule. Nɛ kusɔbɔya malɛ e lara dimɛdi be ŋkpa, meeŋ bishi kumo kuwule. Nɛ dimɛdi malɛ e lara mo barkasa be ŋkpa, meeŋ bishi mo mo barkasa dimɛdi na be ŋkpa na be kelara be kuwule.

2 Bewura 9:26

E yɛ: “N wu b ka mɔ Nabɔf be mbinyɛnsobi ndre. Ma alɛ beeŋ gberge fo kusoe kasawule nɛ b mɔ Nabɔf ere gbagba so.” Kumo be kaman nɛ Jehu kaŋɛ mbe kayɛrbi na fanɛ e ya ta Joram be kebuni n ya lɛ Nabɔf be kasawule na so saŋɛ na so Enyɛnpe Ebɔrɛ be kamalga na beeŋ bɔlɔ so.

2 Kronikɛls 28:9

Kede be kaman nɛ kanyɛn ko nɛ baa tre Odɛd nɛ e la Enyɛnpe Ebɔrɛ be anebi a wɔ Samɛria be kade to na lar n ya shɛr Israɛlebi be benapo nɛ b keta Juda b basa nɛ b pɛ kena to a ba Samɛria na to, saŋɛ so nɛ b daa shin nɛ b luri kade to na, nseŋ kaŋɛ bumo le: “Enyɛnpe men nananyɛnana be Ebɔrɛ na daŋ nya agbo nna n wɔtɔ Juda nseŋ shin nɛ men kɔ m pɔɔ bumo so, ama mo alɛ naŋ wu kananɛ men maŋ wu bumo kuwɔr nseŋ mɔ bumo alegaiso.

Job be kawɔl 16:18

Nɛ fanɛ n wu gba, mee kule kasawule nna fanɛ k sa maŋ shin nɛ kushu nɛ mee shu a fin kashenteŋ ere e ŋana basa so kikɛ.

Job be kawɔl 24:12

Basa nɛ b doro nɛ bumo nɛ baa wu ashi ndegboŋana be agbembiana so na bee shu a fin kechɛto, ama Ebɔrɛ maa wora shɛŋ.

Nshɛ 50:21

Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Nshɛ 72:14

Mo e naa mɔlga bumo ashi kamɛaŋ nɛ awurfoŋ to, ŋkpal manɛ so, bumo be ŋkpa be asheŋ tir mo nna.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Nshɛ 9:13

Enyɛnpe Ebɔrɛ, keni kananɛ ndoŋana shin nɛ mee ji awurfoŋ. Wu ma kuwɔr, m mɔlga ma ashi luwu to,

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

Ditɛronɔmi 21:1

Nɛ fanɛ men wu b ka mɔ esa n nase kupuŋ to ashi kasawule nɛ Enyɛnpe menyi be Ebɔrɛ na ta a sa menyi na so, ama menyi alɛ maŋ pin esa nɛ e mɔ mo na,

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

1 Samuɛl 13:11

Nɛ Samuɛl bishi mo le: “Manɛ nɛ fo wora ere?” Nɛ Sɔɔl kaŋɛ: “Ma benapo na bee pesaŋ to nna a yɔ, fo alɛ maŋ ba saŋɛ nɛ k daga fanɛ fo ba na. Kumo be kaman Filistiebi na bee gama abar nna ashi Mikmash.