Jɛnesis 39:9 - EBƆRƐ BE KAWƆL

⁹ Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Jɛnesis 39:9 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 20:3

Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

Jɛnesis 20:6

Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

Jɛnesis 20:9

Kumo be pɔɛŋ nɛ Abimelɛk tre Eebraham m bishi mo: “Manɛ be kushuŋ nɛ fo shuŋ anyi loŋ? Manɛ be kulubi nɛ n wora fo nɛ k shin nɛ fo bar le be kumu lubi m ba lɛ ma nɛ ma basa kikɛ so le? Esa kama maaŋ shuli n wora ma kusɔ nɛ fo wora ma ere.

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 39:10

Asheŋ nɛ Josɛf daŋ malga na kikɛ daa maŋ luri kache na to, amoso saŋkikɛ e daa kaŋɛ Josɛf kesheŋ koŋwule na nna, nɛ Josɛf malɛ daa maa nu a sa mo nsaa gelge mo.

Jɛnesis 41:40

Kumo be kaman nɛ e kaŋɛ: “Fo nɛ meeŋ ta ŋ ki ma ebɛsopo nɛ fo baa keni ma kowu kikɛ so nɛ ma basa kikɛ e baa nu a sa fo. Ma kuwura ere be eyilikpa be eleŋ be kaplɛa so nawule nɛ meeŋ baa chɔ fo.”

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

2 Samuɛl 11:27

B ka wora keeli n loge, nɛ ewura Deevid shuŋi nɛ b ya keta mo m ba ewurkpa nɛ e ta mo ŋ ki mbe eche hale nɛ e kurge ebinyɛn n sa mo. Ama kusɔ nɛ Deevid wora na daa maŋ par Enyɛnpe Ebɔrɛ.

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nehemaya 6:11

Ndoŋ nna nɛ ŋ kaŋɛ: “Ma ere maŋ la basa nɛ baa shile a ŋana na be ako nna. Fee fɛ nna fanɛ meeŋ shile ŋ ŋana bɔrɛlambu ere to nna ŋkpal ma kumɔlga so a? M maaŋ wora loŋ kikɛ.”

Job be kawɔl 31:23

Ŋkpal ŋ kaa bee ŋana Ebɔrɛ be kasogberge so, m maaŋ shuli n wora le be asheŋ ere.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Ɛksodɔs 20:14

Men sa maa ji kesakalea ŋko a di men braana be beche ŋko bumo kulana.

Aŋasa 6:29

To, loŋ koŋwule na nɛ k du n sa esa kama nɛ e di mo barkasa be eche. Esa kama nɛ e wora loŋ maaŋ paŋ kasogberge kikɛ.

Aŋasa 6:32

Enyɛn kama nɛ e bee sha mo braana be beche maŋ kɔ nfɛra nna na. Mo alɛ gbagba be kumu nɛ e baa jija na.

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Levitikɔs 6:2

“Nɛ esa wora kulubi nsaa maŋ ji kashenteŋ n sa Enyɛnpe Ebɔrɛ na ŋkpal e ka fule ŋko ŋ ku efɛ n suge mo kurgepo, Israɛl be esa be kusɔ ko nɛ e ta n sa mo fanɛ e yili ŋko n ya yuri ŋko m puni mo barkasa be kusɔ

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Luuk 12:48

Ama kenya kama nɛ e maŋ nyi kusɔ nɛ mo nyɛnpe bee sha nseŋ wora asɔ nɛ baa kpal amo so ŋ kuya basa so, baaŋ kuya mo so gbrɛ. Esa kama nɛ b sa asɔ ga, amodoŋwura kutɔ nɛ baa tama kenya ga nɛ ekama malɛ nɛ b ta asɔ damta n wɔtɔ mbe enɔ to, mo kutɔ nɛ baa tama kenya ga.”

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

Taites 2:10

A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

1 Jɔn 3:9

Esa kama nɛ e la Ebɔrɛ pibi maa wora alubi. Ŋkpal Ebɔrɛ be kapɔr gbagba ka wɔ mo to so nɛ ŋkpal Ebɔrɛ ka la mo Tuto na so so, e maaŋ tiŋ n shir a wɔ alubi to a wora amo.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.