6 Josɛf ka daŋ baa juŋkpar kusɔ kama ashi mbe laŋ to so, Potifa daŋ maŋ naa fɔŋ shɛŋ so ama ajibi nɛ e beeŋ ji nawule. Josɛf malɛ daŋ pɔr nɛnɛ nna a walɛ kayɛrbi.
Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.
B daŋ ta Josɛf be ajibi nna n yili mo kakpa ko nseŋ ta mo daana na malɛ n chena kakpa ko nseŋ ta Ijipt be basa nɛ b daa wɔ ndoŋ na peya n yili kakpa ko. B daŋ wora loŋ nna, ŋkpal manɛ so, k daa la ekishi nna fanɛ Ijipt be esa e tu Hibruw be esa n chena a ji.
Esa nɛ feeŋ tiŋ n yirda n ta kusɔbi n sa mo nɛ e tiŋ ŋ keni kumo so la esa nɛ e beeŋ tiŋ ŋ keni kusɔgboŋ gba so nna. Esa kama malɛ nɛ e kɔ kebirkɔnshi kusɔbi to, beeŋ baa kɔ kebirkɔnshi kusɔgboŋ gba to.
Nɛ enyɛnpe na kaŋɛ mo: ‘Mbo, kenya lela, fo wora asɔ. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo, amoso, naniere n sa fo nde kudu nɛ fo baa keni so.’
Nɛ Jɛsi shuŋi nɛ b ya tre Deevid m ba. E daŋ baŋ yili enyɛn nna a walɛ kayɛrbi ga nsaa kɔ eleŋ. Kebia na ka ba nɛ Enyɛnpe Ebɔrɛ kaŋɛ Samuɛl le: “Mo gbagba nna na. Ta ŋku n do mbe kumu so n lara mo nɛ e ki ewura.”